Як паведамілі карэспандэнту Радыё Свабода жыхары Магілёва, шыльда з радкамі з верша «Клеветникам России» дэмантаваная з бюста Аляксандра Пушкіна, які гораду прэзентаваў кубанскі фонд «Алея Расійскай Славы».
Кіраўнік праекту «Алея Расійскай Славы» Міхаіл Сердзюкоў сказаў Свабодзе, што не хацеў абразіць беларусаў вершам Пушкіна пра здушэнне паўстання 1830–31 гадоў.
«Я шчыра проста не ведаў, да чаго гістарычна гэты верш прывязаны. Але ўвогуле я не раздзяляю рускіх, беларусаў і ўкраінцаў. Як звычайны рускі я лічыў, што гэты верш — супраць ворагаў, якія ішлі на расійскую дзяржаву. Хто такія ворагі? На дадзеным этапе — гэта тыя, хто правакуе ў Луганску і Данецку. А больш шырока ворагі — гэта і Гітлер, і Напалеон».
Каментары