U im była scena samahubstva Majakoŭskaha.
U Mahiloŭskim abłasnym teatry lalek paśla ananimki źniaty z pakazu śpiektakl «Miortvyja i žyvyja fihurki» ź pierformansam «ROT» pra samahubstva savieckaha paeta Uładzimira Majakoŭskaha. Ananimku dasłali va ŭpraŭleńnie kultury. Hledačy aburanyja, što pastanoŭku źniali z pakazu.
Śpiektakl i pierformans užo pakazvali ŭ mahiloŭskim teatry lalek. Premjera vyklikała ŭ horadzie šyroki rezanans.
Fakt zabarony ŭ teatry nie pryznajuć, zajaŭlajuć, što pradstaŭleńni adkładzienyja, tamu što 22 listapada scena zaniataja inšymi śpiektaklami.
«Adzinaje, što, tak, ananimka sapraŭdy pastupiła. Nie nam, a va ŭpraŭleńnie kultury, — paviedamiła supracoŭnica teatra lalek. — Na „ROT“ — na pierformans. My ž nijakim čynam nie zabaraniali pakaz hetaha śpiektakla. Adzinaje, što, mahčyma, niejkija mierapryjemstvy repiertuarnaha płana źjavilisia, tamu nie było kudy ŭpisacca, i hety śpiektakl u hety dzień nie było mahčymaści pakazać».
Što mahło tak napałochać kahości ŭ pierformansie, što jon źviarnuŭsia sa skarhaj va ŭpraŭleńnie kultury, pytajusia ŭ surazmoŭcy. Jana pryznałasia, što sam pierformans ŭ teatry nie bačyła, tolki na videa ŭ internecie. Ŭbačanym šakavanaja.
Ničoha bolš, akramia hetaha, nie pakazali, ni pra jaho žyćcio i tvorčaść nie pakazali. Voś mienavita heta i padšturchnuła hledačoŭ napisać takuju skarhu».«Zaraz vielmi šmat moładzi zacikaŭlena samahubstvam, — adznačaje jana. — A tam mienavita na scenie pakazali samahubstva Majakoŭskaha.
A jakija ŭražańni ad śpiektakla i pierformansie u hledačoŭ? Voś adno ź mierkavańniaŭ:
«Mahu dakładna skazać, što nijakich zaklikaŭ da samahubstva tam nie było. Śpiektakl zusim pra inšaje — pra toje, što ludzi našyja, i hramadstva taksama, takija hadkija pa svajoj natury, što robiać hrošy na śmierci viadomaha čałavieka.Tam asobu Majakoŭskaha prosta jak prykład ŭziataja».
Adzin z aŭtaraŭ pierformansu, akcior mahiloŭskaha teatra lalek Juryj Dzivakoŭ, admoviŭsia kamientavać situacyju, jakaja skłałasia vakoł pastanoŭki:
«Nas paprasili pakul ab hetym nie raspaviadać.Sapraŭdy my viedajem, što 22 listapada hetaha ničoha nie budzie. Nas paprasili, kab my nie pakazvali», — adznačyŭ jon.
Kamientar z nahody zabarony pastanoŭki lalečnaha śpiektakla va ŭpraŭleńni kultury atrymać nie ŭdałosia. Hledačy tym časam niezadavolenyja, što śpiektakl nie pakažuć: «Pastanoŭka cikavaja jašče i tym, što ŭ Mahilovie takoha rodu padziei zdarajucca nadzvyčaj redka. Dla ludziej, jakija cikaviacca niestandartnym mastactvam, heta była vialikaja radaść».
Premjera śpiektakla «Miortvyja i žyvyja fihurki» ź pierformansam «ROT» ŭ Mahiloŭskim teatry lalek adbyłasia 21 kastryčnika.
Hetaja pastanoŭka — častka ekśpierymientalnaha prajekta «Druhaja scena» dla amataraŭ niestandartnaha mastactva.Pierformans akciory rabili śpiecyjalna dla mižnarodnaha fiestyvalu ŭ Šviejcaryi. Ci pakažuć jašče raz jaho ŭ Mahilovie, nieviadoma.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary