Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści
A ŭ patryjatyčnaj pieśni, napisanaj u honar palityka, schavana cikavaja detal.
U vypusku navin Biełaruskaha rasśledavalnickaha centra analityk Siarhiej Čały tłumačyć, čamu raniej kazaŭ, što Łukašenka nie pojdzie na vybary. Pa-pieršaje, jon tak i nie pieražyŭ psichałahičnuju traŭmu 2020 hoda. Pa-druhoje, jamu lanota i ciažka zajmacca mikramieniedžmientam. Dyj jurydyčny miechanizm vybudavany — Usiebiełaruski narodny schod, dadatkovyja artykuły ŭ Kryminalnym kodeksie dla abarony byłoha prezidenta i jaho siamji.
U adkazach Łukašenki na pytańni ludziej na sustrečach Čały padkreślivaje try novyja tezisy:
- vy pavinny pryvykać;
- publična pačynaju kazać usim vam;
- rychtujem źmienu.
Analityk ličyć, što na Łukašenku cisnuć dźvie hrupy ŭ jaho atačeńni — adnyja bajacca, što prapaduć bieź jaho i prosiać zastacca, praciahvać žorstkuju liniju, a druhija prapanujuć pakinuć pasadu i pačać narmalizoŭvać palityku.
«Ja pa-raniejšamu liču, što Łukašenka bolš nie choča ŭdzielničać ni ŭ jakich vybarach. Situacyja takaja, što čym daŭžej Łukašenka marudzić i sumniajecca, iści ci nie iści, tym abjektyŭna bolš arhumientaŭ na karyść taho, kab nie iści. Tamu što tym bolej jon vyhladaje nie jak niekali małady i enierhičny lidar, a jak chvory i nierašučy stary», — kaža Čały.
Jon iranična padmieciŭ, što ŭ vypadku zamieny Łukašenki pierajemnikam navat słovy patryjatyčnaj pieśni, napisanaj u jaho honar, mianiać nie daviadziecca. Tam śpiavajecca «Baćka ŭ nas kruty» — kali na miesca Łukašenki pryjdzie kiraŭnik jaho Administracyi Dźmitryj Kruty, to i prablemy niama.
Dla sabačak i kocikaŭ. Ci zasialilisia ŭ novuju rezidencyju Łukašenki dabračynnyja fondy?
Łukašenka ŭvodzić novy artykuł u Kryminalny kodeks — da 8 hadoŭ źniavoleńnia za pahrozy byłomu prezidentu i členam jaho siamji
Źjaviłasia čarhovaje paćvierdžańnie, što prezidenckija vybary adbuducca 23 lutaha 2025 hoda
Stali viadomyja pieršyja piać proźviščaŭ palitviaźniaŭ, vyzvalenych pa novym pamiłavańni4
Kamientary