Hałoŭnuju ŭznaharodu Vieniecyjanskaha kinafiestyvalu atrymaŭ film «Susiedni pakoj»
Ahučany pieramožcy 81-ha Vieniecyjanskaha kinafiestyvalu.
Kadr ź filma «Susiedni pakoj»
Hałoŭny pryz Vieniecyjanskaha fiestyvalu atrymaŭ film «Susiedni pakoj» Piedra Almadovara.
Film raskazvaje pra vajennuju žurnalistku Martu (jaje hraje Cilda Suitan) i jaje siabroŭku piśmieńnicu Inhryd (u hetaj roli Džulijana Mur). Marta śmiarotna chvoraja na rak, admaŭlajecca ad dalejšaj terapii i kuplaje sabie tabletku dla eŭtanazii. Dać jaje joj pavinna Inhryd. Jany jeduć u dom pad Ńju-Jorkam, kab pravieści tam apošni čas.
U asnovu filma pakładzieny amierykanski raman Sihryd Nuńjes «Što z taboj adbyvajecca».
Inšyja pieramožcy fiestyvalu ŭ asnoŭnych naminacyjach:
- «Srebny leŭ» (vialiki pryz žury) — «Viermiljo» Maŭry Delpiera;
- «Srebny leŭ» za najlepšuju režysuru — Bredzi Korbiet («Brutalist»)
- najlepšaja aktrysa — Nikol Kidman (za rolu ŭ filmie «Drennaja dziaŭčynka»);
- najlepšy akcior — Viensan Lindan («Cichi syn»);
- najlepšy scenar — Muryła Chaŭzier, Ejtar Łareha («Ja ŭsio jašče tut»);
- śpiecyjalny pryz žury — «Krasavik» Dei Kułumbiehašvili;
- Premija imia Marčeła Mastrajani najlepšamu akcioru-pačatkoŭcu — Pol Kiršer («I dzieci paśla ich»).
Kamientary