Kiraŭnika štaba Viktara Babaryki siłaviki schapili ranicaj 7 vieraśnia 2020 hoda ŭ Minsku i pasprabavali prymusova vydvaryć ź Biełarusi.
Adnak Maryja na miažy z Ukrainaj parvała svoj pašpart, vylezła praz akno aŭtamabila i viarnułasia na terytoryju Biełarusi. Tam jaje znoŭ zatrymali.
Praz hod Maryju asudzili na 11 hadoŭ kałonii.
Kaleśnikava adbyvaje pakarańnie ŭ homielskaj žanočaj kałonii. U listapadzie 2022 hoda Maryju špitalizavali ź pierytanitam z-za prabadnoj jazvy i zrabili apieracyju. Ale ź lutaha 2023 hoda pra jaje amal ničoha nie viadoma.
«Užo bolš za 560 dzion infarmacyju pra Maryju ja źbiraju pa krupinkach — ad žančyn, jakija siadziać i vychodziać z kałonii. Apošni list ad jaje my atrymali 15 lutaha 2023 hoda. Da Maryi nie moža patrapić advakat, joj zabaronienyja pasyłki. Pavodle majoj infarmacyi, siońnia Maryja faktyčna haładaje ŭ kałonii. Jana važyć 45 kh pry roście 175 sm. Jaje chvaroba patrabuje dyjety, tamu jana nie moža jość mnohaje z turemnaha mieniu», — napisała niekalki dzion tamu ŭ fejsbuku jaje siastra Taćciana Chomič.
«Karmić jaźvienika bałandaj — heta katavać jaho i pavolna zabivać. Nie davać čałavieku prava na pierapisku ź siamjoj-paskarać hetuju śmierć. Maša nie viedaje, ci žyvy tata i jak jaho zdaroŭje. My nie viedajem, jak jaje kormiać i lečać. (…) Heta nie pra pakarańnie złačynca, nie pra izalacyju palityčnaha apanienta. Heta katavańni i ździeki z čałavieka, heta złačynstva suprać čałaviečnaści. Niedapuščalna, kab u XXI stahodździ ŭ centry Jeŭropy ŭ turmie zabivali čałavieka hoładam», — kaža Taćciana i prosić:
— zabiaśpiečyć Maryi nieabchodnaje charčavańnie
— dać joj nieabchodnaje abśledavańnie i lačeńnie
— dapuścić da jaje rodnych i adnavić pierapisku
-
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
-
Ministr zajaviŭ, što biełaruskaja kultura ačyściłasia ad «destruktyŭnych elemientaŭ»
-
Syn nieprymirymaha voraha Kadafi prybyŭ u Biełaruś, kab zaklučyć pahadnieńnie
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»25
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary