Nočču ŭ Biełaruś zalacieli vosiem dronaŭ. Adzin amal dabraŭsia da miažy ź Litvoj
I ci nie ŭpieršyniu ŭ Biełaruś zalacieŭ raźviedvalny Supercam.
Minimum vosiem dronaŭ zajšli ŭnačy ŭ Biełaruś — adzin «šachied» znachodziŭsia za 70 km ad miažy ź Litvoj, paviedamlaje Biełaruski Hajun.
Za noč na 7 vieraśnia na terytoryju Biełarusi zalacieli nie mienš za 7 dronaŭ-kamikadze typu «šachied» i, jak miarkujecca, upieršyniu zajšoŭ taksama adzin raźviedvalny rasijski BPŁA typu Supercam.
Pieršy «šachied» zajšoŭ z Čarnihaŭskaj vobłaści Ukrainy ŭ napramku Łojeva kala 23:20 i ŭžo praz 40 chvilin vylecieŭ nazad va Ukrainu ŭ napramku Kijeŭskaha vadaschovišča.
Dalejšyja zachody «šachiedaŭ» byli prykładna ŭ 02:45, 03:10, 03:37, 03:49, 05:16, 05:54. A kala 08:13 u Biełaruś zalacieŭ raźviedvalny BPŁA typu Supercam.
Akramia zachodaŭ u Homielskuju vobłaść, minułaj nočču adzin z «šachiedaŭ» zalacieŭ i ŭ Bresckuju vobłaść kala 05:16 u rajonie Pinska i praciahnuŭ ruch na poŭnač.
Dadzieny «šachied» zajšoŭ u Hrodzienskuju vobłaść (upieršyniu za ŭvieś manitorynh) i dalacieŭ da samych Kareličaŭ i Navahrudka, trymajučy kurs u napramku miažy ź Litvoj. Heny šachied moh pralacieć nad Biełaruśsiu na poŭnač kala 200 km, što ź im zdarałasia dalej — nieviadoma.
Na praciahu ŭsioj nočy ŭ niebie nad Biełaruśsiu pracavali źniščalniki i viertaloty VPS RB.
Usiaho źniščalniki VPS RB uźlatali z aeradroma Baranavičy 4 razy, a viertaloty z Mačuliščaŭ padymalisia dvojčy. Avijacyja była zaŭvažanaja nie tolki na poŭdni krainy, ale taksama i na samaj poŭnačy — u rajonie Astraŭca i Vilejki, što moža kazać pra toje, što da poŭnačy krainy moh dalacieć nie adzin, a dva «šachiedy».
-
Na vahonie ciahnika, što prybyŭ u Litvu ź Biełarusi, niechta pakinuŭ vielmi dziŭny nadpis FOTAFAKT
-
Hajdukievič rekamiendavaŭ biełarusam, jakija nie ździajśniali złačynstvaŭ, «adsiedzieć i žyć dalej»
-
Stała viadoma, pa jakich piaci artykułach pačynajuć sudzić analityka Andreja Parotnikava. Jamu pahražaje da 20 hadoŭ
Biełarus, rasstralany terarystami ŭ Tel-Avivie, idzie na papraŭku: kula zajšła Ramanu ŭ žyvot i vyjšła cieraz horła2
Kamientary