Dziaržaŭnaja słužba Ukrainy pa nadzvyčajnych situacyjach paviedamiła, što ŭ vyniku ŭdaru rasijskaj armii pa domie sastarełych u Sumach zahinuŭ adzin čałaviek, jašče 13 paranienyja.
Zahinułaj akazałasia 78-hadovaja žančyna.
Ratavalniki paviedamlajuć, što z budynka evakujavali 147 čałaviek, častkova razburanyja techničny i piaty pavierchi.
Asnoŭny ŭdar pryjšoŭsia na vierchnija pavierchi budynka, u jakim žyŭ 221 čałaviek pažyłoha ŭzrostu, z ich 87 — małamabilnyja. Na piatym pavierchu ŭ momant udaru znachodzilisia 24 čałavieki.
Pavodle słužby pa nadzvyčajnych situacyjach, ludziej pad zavałami niama.
Pradstaŭnik apieratyŭna-stratehičnaj hrupoŭki vojskaŭ «Sieviersk» Vadzim Myśnik zajaviŭ, što «rasijskija vajskoŭcy abstrelvajuć Sumskuju vobłaść, bo bačać pośpiechi ŭkrainskich vojskaŭ u Kurskaj vobłaści Rasii».
Jon taksama adznačyŭ, što rasijskaja armija skaraciła kolkaść minamiotnych abstrełaŭ pamiežnych rajonaŭ Sumščyny i spyniła vykarystańnie karektavanych avijabombaŭ (KAB) pa Charkaŭskaj vobłaści.
Ministerstva abarony RF raniej zajaŭlała, što rasijskija vajskoŭcy «nanosiać ahniavoje paražeńnie praciŭniku ŭ rajonie dziaržaŭnaj miažy i pa reziervach na terytoryi Sumskaj vobłaści».
Vybuch hihanckaha składa bojeprypasaŭ u Ćviarskoj vobłaści: što viadoma na hety momant
Ukrainskija zienitnyja drony stali tannaj i efiektyŭnaj zamienaj artyleryi. U čym ich pieravahi?
Ukraina padała sajuźnikam śpis celaŭ, pa jakich chacieła b bić dalnabojnymi rakietami
«Nie słuchajcie tych, chto nie vieryć u pośpiech. Stratehija Zachadu va Ukrainie pracuje»
«Toje, što chtości «siadzić za palityku», źjaŭlajecca «častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami
Kamientary