U biełaruskich škołach buduć vučyć, jak nie zhubicca siarod fejkaŭ i mejnstrymaŭ

Zaćvierdžanyja prahramy nastupnych fakultatyvaŭ:

• «Ramiastvo historyka» dla IX kłasa;
• «Čałaviek u śviecie miedyja: jak nie zhubicca ŭ epochu fejkaŭ i mejnstrymaŭ» dla VIII (IX) kłasa;
• «Arhanizuju siabie, arhanizuju inšych» dla X-XI kłasaŭ;
• «Suśviet Tekst» dla X-XI kłasaŭ;
• «Finansavaja piśmiennaść. Analizujem. Płanujem. Kirujem» dla IX kłasa;
• «Adkryj śviet nanoŭ» dla VI—VIII kłasaŭ.

Na fakultatyvie «Ramiastvo historyka» vučni pavinny buduć «udaskanalvajuć umieńni składać płan i strukturavać tekst, rabić paznaki i vypiski, cytavać frahmienty tekstu, pieraŭtvarać tekst, vykarystoŭvajučy novyja formy padačy infarmacyi, uklučajučy apornyja schiemy, tablicy, malunki, dyjahramy».

Na fakultatyvie «Čałaviek u śviecie miedyja: jak nie zhubicca ŭ epochu fejkaŭ i mejnstrymaŭ» dziaciej buduć vučyć «aceńvać i analizavać materyjały miedyja roznych farmataŭ z ulikam ich śpiecyfiki, efiektyŭna i biaśpiečna ŭzajemadziejničać ź infarmacyjaj, atrymanaj ź miedyjakrynic, kanstruktyŭna mieć znosiny i ŭzajemadziejničać u miedyjaasiarodździ, arhanizoŭvać asabistuju miedyjnuju prastoru».

Na fakultatyvie «Arhanizuju siabie, arhanizuju inšych» vučni «avałodajuć efiektyŭnymi formami i srodkami kamunikacyi, nabuduć navyki dziełavoj kaapieracyi i samaarhanizacyi, navučacca paśpiachova dziejničać u samych roznych žyćciovych situacyjach — asabistych i prafiesijnych, asvojvajučy praktyku dziełavych znosin u pracesie situatyŭnaj dziejnaści (sustreča haściej, treninhi, pieramovy, majstar-kłasy, publičnyja vystupleńni i inš.)».

Na fakultatyvie «Suśviet Tekst» dzieci buduć «nabyvać navyki pracy z tekstami roznych typaŭ (mastackija, navukova-papularnyja, rekłamnyja, jurydyčnyja, infarmacyjnyja), navučacca atrymlivać nieabchodnuju infarmacyju i tvorča pieraasensoŭvać jaje, stvarać ułasnyja teksty, jakija adpaviadajuć raznastajnym kamunikatyŭnym zadačam (mastackija tvory i infarmacyjnyja artykuły, dakumienty, rekłamnyja abjavy, buklety, paštoŭki i inš.)».

Na fakultatyvie «Finansavaja piśmiennaść. Analizujem. Płanujem. Kirujem» dziaciej buduć vučyć «vykonvać prajekty, nakiravanyja na farmiravańnie finansavaj piśmiennaści, što budzie spryjać raźvićciu ŭmieńniaŭ prymianiać viedy ź finansavaj śfiery ŭ štodzionnym žyćci, vykonvać praktyka-aryjentavanyja zadańni, jakija adlustroŭvajuć realnyja žyćciovyja situacyi prablemnaha charaktaru ŭ finansavaj halinie, płanavać i ažyćciaŭlać dziejnaść, źviazanuju ź finansavymi apieracyjami štodzionnaha žyćcia».

Urešcie, na fakultatyvie «Adkryj śviet nanoŭ» vučni majuć «daviedacca, jak pravilna vybirać infarmacyjnuju krynicu, avałodajuć navykami analizu i aceńvańnia dakładnaści infarmacyi, navučacca znachodzić i zdabyvać nieabchodnuju infarmacyju dla vyrašeńnia prablemnych situacyj, jakija ŭźnikajuć u štodzionnym žyćci».

• 0
• 0
• 5
• 0
• 0
• 0
• 0
• 0