U Hrodnie chočuć pryznać niesapraŭdnym prodaž jašče adnoj kvatery
Sud Kastryčnickaha rajona Hrodna 9 vieraśnia razhledzić pazoŭ prakuratury horada ab pryznańni niesapraŭdnym prodažu majomaści žurnalistki Iryny Čarniaŭki, žonki palitviaźnia Paŭła Mažejki. Infarmacyja pra heta źjaviłasia ŭ raskładzie sudoŭ, piša telehram-kanał «Prava majuć».
Praces «ab ustanaŭleńni faktu nikčemnaści ździełki», «prymianieńnie nastupstvaŭ niesapraŭdnaści ździełki (pry pryznańni ździełki nikčemnaj)» projdzie 9 vieraśnia ŭ sudzie Kastryčnickaha rajona Hrodna.
Pazoŭnik — prakuratura Hrodna i Ministerstva finansaŭ. Adkazčyki — Čarniaŭka Iryna Usievaładaŭna i Čarniaŭka Maryja Michajłaŭna. Sudździa — Vadzim Dźmitryjeŭ.
Iryna Čarniaŭka — žurnalistka, žonka palitviaźnia Paŭła Mažejki. U dačynieńni da Iryny taksama raspačali zavočnuju kryminalnuju spravu.
Heta nie pieršy padobny sud u Hrodnie. Raniej stała viadoma, što sud anulavaŭ prodaž kvatery padazravanaj pa «ekstremisckim artykule».
«Toje, što chtości «siadzić za palityku», źjaŭlajecca «častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami22
Kamientary