Novy niezvyčajny sposab ramantyčnych znajomstvaŭ nabiraje šalonyja abaroty
Ispaniju achapiła sapraŭdnaja luboŭnaja lichamanka — adzinokija ludzi šukajuć partnioraŭ u supiermarkietach z dapamohaj śpiecyjalnaha «fruktovaha koda». A pačałosia ŭsio z rolika ŭ tyktoku.
Kamiedyjnaja aktrysa Vivi Lin źniała videa, u jakim raspaviała, što ŭ sietcy supiermarkietaŭ Mercadona jość peŭny «čas dla flirtu». Z 19:00 da 20:00 z vazkom u rukach možna znajści sabie ramantyčnaha partniora, piša Bi-bi-si.
Dastatkova pakłaści ŭ košyk z pakupkami pierakuleny ananas — heta sakretny sihnał dla supraćlehłaha połu, što vy hatovyja dla ramantyčnych adnosin.
Rolik sabraŭ miljony prahladaŭ, a trend padchapili mnohija znakamitaści.
Na fan-staroncy Lin jość fota ananasa z podpisam: «Ananas na palicy Mercadona čakaje, kali vy znojdziecie sabie paru».
Sama ž aktorka z humaram stavicca da papularnaści novaha trendu.
«Dumaju, za ažyjatažam, jaki vyklikała majo videa, chutčej chavajecca imknieńnie da humaru, čym da kachańnia, — śćviardžaje jana. — Ludziam bolš chočacca śmiajacca, čym flirtavać. Ja ŭpeŭniena, što hety trend na znajomstva zamacujecca ŭ hramadstvie. I my, biez sumnievu, chutka ŭbačym pary, jakija paznajomilisia ŭ Mercadona ŭ pakazany čas. Chto šukaje, toj zaŭsiody znojdzie!»
Historyja atrymała rozhałas i pryviała da niezvyčajnych, a časam chaatyčnych situacyj.
U Madrydzie da fłešmobu dałučylisia padletki, jakija ŭviečary šturchali pustyja vazki ŭ kramach, nie kuplajučy tavaraŭ.
Adnaho mužčynu jaho siabry apranuli ŭ kaścium hihanckaha ananasa ŭ kramie padčas śviatkavańnia chłapiečnika.
U Bilbaa supracoŭnikam Mercadona navat davodziłasia vyklikać palicyju z 19:00 da 20:00 z-za šumnych scen u kramie.
Sietka Mercadona pieršapačatkova nie źviartała ŭvahi na luboŭny ažyjataž. Ale kažuć, što «ananasavaja manija» nie padabajecca mnohim rabotnikam, jakim davodzicca razhrabać niavykuplenyja tavary.
U niekatorych adździaleńniach pa ŭsioj krainie navat pačali prybirać z prodažu ananasy, kab prycišyć ramantyčny zapał klijentaŭ.
Kampanija śćviardžaje, što »trend zapuścili bieź ich udziełu, usio atrymałasia spantanna».
Da fłešmobu vyrašyli dałučycca inšyja sietki — Lidl i Carrefour. Pra heta jany paviedamili ŭ svaich akaŭntach u X (Twitter), ale prapanavali inšy apaznavalny znak — kavun.
Heta nie pieršy vypadak, kali pieraviernuty ananas vykarystoŭvajecca ŭ jakaści luboŭnaha koda.
Viadoma, što hety frukt taksama źjaŭlajecca simvałam śvinhieraŭ — ludziej, zacikaŭlenych u abmienie seksualnymi partniorami.
Jak skłałasia žyćcio Jalinki, adzinaj biełaruskamoŭnaj vučanicy ŭ Mahilovie ŭ svoj čas?7
Kamientary