U Rasii raźbiŭsia samalot-amfibija, jaki byŭ vypuščany ŭ adzinym ekzemplary
Avijakatastrofa adbyłasia ŭ Maskoŭskaj vobłaści, zahinuli dva čałavieki.
U Ruzskim rajonie Maskoŭskaj vobłaści raźbiŭsia lohkamatorny samalot-amfibija «Aleks-251».
U avijakatastrofie zahinuli lotčyk-vyprabavalnik Alaksandr Ivanoŭ i dyrektar kampanii-ŭładalnika samalota Alaksandr Tancyraŭ, piša 112.
Pa adnoj ź viersij, lotčyki pravodzili techničny zapusk ruchavika na ziamli, paśla čaho samalot raptam uźlacieŭ i ruchnuŭ za 250 mietraŭ ad uźlotna-pasadačnaj pałasy.
Cikava, što «Aleks-251» isnavaŭ u adzinym ekzemplary. Mašynu raspracoŭvali ŭ 2000-ch i 2010-ch, ale sieryjnaja jaje vytvorčaść tak i nie było zapuščanaja.
Bort byŭ pryznačany dla pieravozki piaci pasažyraŭ abo hruzaŭ masaj 400 kh. Siertyfikat «adzinkavaha ekzemplara pavietranaha sudna» byŭ atrymany letam 2021 hoda.
Zahinuły lotčyk Ivanoŭ doŭhi čas pracavaŭ vyprabavalnikam rasijskich vajskovych i pasažyrskich samalotaŭ. U 2011 hodzie jon padčas vyprabavańniaŭ pasažyrskaha łajniera «Supierdžet» vykanaŭ manieŭr «bočka» — pavarot adnosna padoŭžnaj vosi na 360 hradusaŭ z zachavańniem ahulnaha kirunku palotu. Heta paličyli pavietranym chulihanstvam, i vyprabavalnika zvolnili. Paśla hetaha jon pracavaŭ u pryvatnym siektary.
Kamientary