U Vaŭkavysku doktar i sanitar morha arhanizavali cieniavy biznes rytualnych pasłuh — ale ŭ kałoniju nie trapili
Patołahaanatam i sanitar zarabili bolš za 20 tysiač rubloŭ, ale ich schiemu raskryli.
Zahadčyk mižrajonnaha patołahaanatamičnaha adździaleńnia ŭ Vaŭkavysku i sanitar miascovaha morha arhanizavali cieniavy biźnies rytualnych pasłuh.
Ź lutaha 2021 hoda pa śniežań 2023 hoda patołahaanatam i sanitar akazvali pasłuhi pa absłuhoŭvańni cieł pamierłych, ale pry hetym jany nie zaklučali damovy sa svajakami, jak taho patrabuje zakon.
Hanarary doktar i sanitar zabirali sabie — za ŭvieś čas takim čynam jany zarabili bolš za 20 tysiač rubloŭ, piša BiełTA.
Na sudzie fihuranty poŭnaściu pryznali vinu i dobraachvotna kampiensavali ŭron. U vyniku doktar atrymaŭ 4 hady kałonii i štraf 100 bazavych (4000 rubloŭ), jamu taksama zabaranili zajmać kirujučyja pasady na piać hadoŭ.
Sanitaru pryznačyli 3 hady sa štrafam u 40 bazavych (1600 rubloŭ) i zabaranili zajmać kirujučyja pasady na 3 hady.
Pry hetym doktar i sanitar u kałoniju nie adpravilisia: pieršamu pryznačyli adterminoŭku ŭ try hady, druhomu — u dva.
Bort Łukašenki z-za techničnych prablem viarnuŭsia ŭ Minsk bieź jaho12
Kamientary