Pamiatajecie biełarusa, jaki padčas ekstradycyi pierakryŭ most na miažy? Jaho ŭsio ž pasadzili na sutki
U červieni šmat šumu narabiła historyja Dźmitryja Smaktunoviča. U červieni biełarusa departavali z Polščy ŭ Biełaruś, ale jon nie chacieŭ viartacca na radzimu i doŭha stajaŭ na moście pamiž dźviuma krainami. Paśla taho, jak navažyŭsia ŭsio ž taki pierajechać u Biełaruś, jon daŭ kamientaryj dziaržaŭnym ŚMI i dajechaŭ da rodnaha Babrujska. Što ź im stała paśla, daviedaŭsia Most.
Žonka Dźmitryja Natalla raskazała vydańniu, što muž u Biełarusi paśpieŭ adsiedzieć troje sutak za łajk pad videa, jaki jon pastaviŭ u 2021 hodzie.
«Pieršapačatkova da jaho nie było pretenzij, ale zabrali całkam novy telefon — i dali troje sutak u KPZ».
Paśla, adnak, žyćcio ŭ jaho ŭsio ž, pa słovach žonki, bolš-mienš naładziłasia:
«Vyjšaŭ, uładkavaŭsia na pracu kiroŭcam maršrutnaha taksi, jeździć maršrutam Babrujsk-Minsk. Dumaju, što nie bolš za 1500 biełaruskich rubloŭ atrymlivaje. Abiacaŭ ź pieršaha zarobku adpravić nam hrošy».
Paśla departacyi Dźmitryj padaŭ apielacyju ŭ ambasadu Polščy ŭ Biełarusi. Bolš za miesiac jon čakaje adkazu.
«My ź dziećmi žyviem u Biełastoku, žyvyja-zdarovyja. Starejšaja dačka pastupiła ŭ technikum. Składana biez muža, usio na mnie. I dzieci, i praca, i dom. My padtrymlivajem suviaź ź Dźmitryjem štodnia, jon nie źmiryŭsia z hetaj situacyjaj i choča ŭźjadnacca ź siamjoj», — kaža žonka.
Praŭda, dapuskaje, što jana nie ŭsio viedaje:
«Mahčyma, jon nie da kanca ščyry sa mnoj. Moža, jon niešta niedahavorvaje, kab ja nie pieražyvała lišni raz, bo ŭ mianie jość prablemy z sercam».
Departavanamu na minułym tydni z Polščy Dźmitryju Smaktunoviču jašče hod tamu zahadali pakinuć krainu
«Pakul usio cicha». Žonka Dźmitryja Smaktunoviča raskazała, što ciapier ź jaje mužam
Stała viadoma, na kolki hod departavanamu z Polščy biełarusu zabaranili ŭjezd u ES
Departavany z Polščy Dźmitryj Smaktunovič vystupiŭ pa telebačańni
«Pryjšoŭ pieššu ź Biełarusi». Palaki raskazali svajo bačańnie historyi ź biełarusam, praź jakoha zakryvali pamiežny punkt
Departavany z Polščy biełarus pierajšoŭ na terytoryju RB. Ruch u pamiežnym punkcie Tarespal adnaviŭsia
Biełarusa, jakoha departujuć z Polščy, raniej sudzili za pieravozku nielehalnych mihrantaŭ
Polskija pamiežniki ŭ punkcie propusku Tarespal pierakryli ruch u abodva baki
Z Polščy departujuć biełarusa, jaki nie choča na radzimu. Jon na niejtralnaj pałasie pad Brestam
Navukoŭcy bjuć tryvohu — suśliku pahražaje poŭnaje vymirańnie5
Kamientary
Nu što ty zrobiš, heta były babrujski viertuchaj pierakryvaŭ apošni most pamiž biełoruśsijej i polščaj, a ja nałyhaŭ (treciaja asoba ŭ adzinočnym liku, darečy, jon łyže), što polskija pamiežniki.
Vojvojvoj, vykryli mianie palcadołam