Eks-kapitana milicyi z Kobryna sudziać pa artykule ab zdradzie dziaržavie
Jahony baćka ŭ svoj čas kiravaŭ abłasnym HUBAZam.
17 vieraśnia Brescki abłasny sud pačnie razhladać spravu suprać 41-hadovaha žychara Kobryna Dźmitryja Pieratołčyna. Jaho abvinavačvajuć pa artykule ab zdradzie dziaržavie (častka 1 artykuła 356 KK) i ab niedaniasieńni ab złačynstvie (častka 2 artykuła 406).
Pavodle infarmacyi «Biełpoł», pradstaŭlenaj «Miedyjazonie», Pieratołčyn da 2011 hoda pracavaŭ na pasadzie kamandzira ŭzvoda Kobrynskaha adździeła Departamienta achovy i źjaŭlaŭsia kapitanam milicyi. Žanaty, jość dačka.
U listapadzie 2012 hoda Brescki mižharnizonny vajenny sud prysudziŭ Pieratołčyna da 3,5 hadoŭ kałonii z adterminoŭkaj na try hady pa artykule ab machlarstvie (častka 3 artykuła 209 KK). U žniŭni 2010 hoda Pieratołčyn razam ź inšymi biełarusami ŭstupiŭ u zmovu. Jana zaklučałasia ŭ tym. kab vykraści pad vyhladam kanfiskacyi majomaść, vyviezienuju z Ukrainy.
Znachodziačysia ŭ formie, Pieratołčyn spyniŭ aŭto, u jakim pieravozilisia rečy z Ukrainy. Pad vyhladam kanfiskacyi jon razam sa zmoŭščykami skraŭ majomaść, naniosšy ŭładalnicy rečaŭ straty na 9 143 000 niedaminavanych biełaruskich rubloŭ. Pieratołčyna pazbavili zvańnia kapitana milicyi. Paśla hetaha jon pracavaŭ liciejščykam na «Paleśsi» i śpiecyjalistam u «Dabranomie».
Baćka abvinavačanaha — Hienadź Pieratołčyn — padpałkoŭnik milicyi ŭ zapasie, jaki zajmaŭ pasadu načalnika HUBAZ pa Bresckaj vobłaści. U 2008 hodzie pajšoŭ na piensiju, a ŭ 2014 hodzie byŭ kandydatam u Kobrynski rajonny saviet deputataŭ.
«Hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach8
Kamientary