Biznesoŭcu i kiraŭnika respublikanskaha turystyčnaha sajuza asudzili za supracu ź litoŭskimi śpiecsłužbami
Alaksandru Mirskamu dali vialiki termin.
Alaksandr Mirski byŭ biznesmienam u śfiery turyzmu (kiravaŭ turkampanijami «Novatur» i «Sakub»), uznačalvaŭ Respublikanski sajuz turystyčnych arhanizacyj. U siužecie ANT śćviardžajuć, što jon pracavaŭ na litoŭskija śpiecsłužby.
«Ja pryjechaŭ u studzieni 2015 hoda na forum, sadziŭsia ŭ mašynu, i mianie žorstka pryniali supracoŭniki Departamienta dziaržaŭnaj biaśpieki Litvy. Paśla čaho mianie praviali ŭ haścinicu, zabrali ŭsie telefony, była davoli doŭhaja hutarka. Na hetaj hutarcy ja padvierhnuŭsia šantažu, u tym liku biznesam, majoj siamjoj i ŭsim astatnim. I ja vybraŭ supracoŭnictva z hetaj arhanizacyjaj», — raspavioŭ na kamieru Mirski, jaki ciapier siadzić u kałonii №22 u Ivacevičach («Voŭčyja nory»).
Paśla hetaha jon, pa viersii prapahandy, sustrakaŭsia z supracoŭnikami śpiecsłužby dva-try razy na hod u Litvie, pieradavaŭ im infarmacyju («na bolš čym 100 asob»).
U vyniku Mirski trapiŭ u pole zroku KDB Biełarusi. Pry pieratrusie, jak śćviadžajecca ŭ siužecie, u jaho znajšli zamiežnuju valutu, srodki suviazi, a taksama zbroju.
Mirskaha asudzili pavodle art. 356 «Zdrada dziaržavie» da 7,5 hoda pazbaŭleńnia voli.
Intervju ź Mirskim zapisana ŭ ścienach kałonii, što mahło paŭpłyvać na toje, što jon kaža na kamieru.
Nahadajem, niadaŭna ŭ Biełarusi asudzili taksama byłoha hałoŭnaha doktara sanatoryja «Biełaruś» u Druskininkai Andreja Kobiela i jaho padnačalenuju Alenu Ramanaŭskienie. Ich taksama abvinavacili ŭ špijanažy i pieradačy infarmacyi litoŭskim śpiecsłužbam. Kobielu dali 9 hadoŭ pazbaŭleńnia voli, Ramanaŭskienie — 6 hadoŭ.
U Minsku pačynajuć sudzić stvaralnika turkampanij «Nova tur» i «Sakub». Za «zdradu dziaržavie»
Hałoŭny doktar i supracoŭnica sanatoryja «Biełaruś» u Druskienikach atrymali vializnyja terminy za špijanaž
Za špijanaž na karyść Litvy zatrymali byłoha hałoŭnaha doktara sanatoryja «Biełaruś»
Dyrektar Departamienta dziaržbiaśpieki Litvy: Biełaruski režym maje namier vykradać litoŭcaŭ
Byłaja palitźniavolenaja raskazała, jak siłaviki šukajuć pratestoŭcaŭ11
Kamientary