Palitołah i byłaja vykładčyca BDU Roza Turarbiekava pierajechała ŭ Biełaruś z Kazachstana. U novym vypusku TOKu jana parazvažała, u čym adroźnieńnie biełarusaŭ ad kazachaŭ.
Adno z adroźnieńniaŭ — staŭleńnie da hrošaj.
«Biełarusy — ludzi vielmi racyjanalnyja, umiejuć ličyć, nie raskidvajucca hrašyma. Heta nie aznačaje sknarstva, heta zusim inšy ŭzrovień», — padzialiłasia jana nazirańniami.
Kazachi ž, kaža Turarbiekava, nie prosta chlebasolnyja.
«Heta prosta naprava i naleva razdača. Bo ŭsio, što materyjalnaje, jano niekaštoŭnaje, a kaštoŭnyja ludzi».
Kazachi — kačavy narod, padkreślivaje palitołah, a tamu materyjalnaje ŭsprymałasia jak dadatkovaja noša, jakuju treba ciahnuć. A čałaviek — heta krynica infarmacyi, toj, chto moža dapamahčy sa skacinaj.
Jašče adna admietnaść biełarusaŭ — maŭklivaść.
«Mnie maje siabroŭki biełaruskija kazali: «Maŭčy, budź razumnaj». Dla mianie heta nibyta ja na inšaj płaniecie apynułasia. U kazachaŭ nielha maŭčać. Kali ty maŭčyš, ty niešta chavaješ. Vidać, drennuju zadumu».
Roza zhadvaje, jak, kali pačała vykładać biełaruskim studentam, nie mahła zrazumieć, padabajecca im ci nie. Bo kazachskija studenty zasypajuć pytańniami i kamientarami, a biełarusy prosta maŭčać. Tady jaje muž Pavieł Cieraškovič, jaki taksama vykładaŭ va ŭniviersitecie, paprasiŭ Rozu pakazać žurnał naviedvalnaści. I skazaŭ paśla: studentam cikavyja tvaje lekcyi, bo mała adsutnych.
Palitołah zhadvaje, jak naziralnica na vybarach padzialiłasia ź joj vysnovaj, jakuju Turarbiekava zapomniła nazaŭsiody: «Biełarusy hałasujuć nahami».
«I jašče adzin momant, što ja vyniesła pra biełarusaŭ: maŭčańnie nie jość znak zhody. Ja zaŭsiody heta kažu ŭsim svaim kaleham, chto nie biełarusy. Kažu: vy ich nie viedajecie.
«Dobryja takija, talerantnyja ludzi, vielmi pryjemnyja». Kažu: jany ŭsim pryjemnyja, tamu što jany maŭčać. «Nu tak, maŭčać, značyć, zhodnyja, značyć, usio dobra». Ja kažu: nie, maŭčańnie ŭ biełarusaŭ nie znak zhody. Heta znak čaho zaŭhodna. Biełarusy na ŭsiaki vypadak maŭčać. Kazachi na ŭsiaki vypadak jakraz-taki havorać».
Hladzicie vypusk całkam:
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary
Bohaabrany narod, hrošy zdatny ličyć, a inšyja - nie.
Zajmi dienieh U koho ??