Padčas prahułki ŭ les hrybniki niečakana znajšli redki i vielmi simpatyčny hryb — pavucińnik fijaletavy (abo prybałotnik), pa-navukovamu — Cortinarius violaceus. Heta blizki svajak šampińjonaŭ, piša dzr.by.
Pavucińnik fijaletavy raście ŭ asnoŭnym pa ŭsioj paŭnočnaj ŭmieranaj zonie, ale sustrakajecca niačasta, u asnoŭnym paasobku abo nievialikimi hrupami. Źbirać jaho ŭ lesie nie rekamiendujecca, choć hryb i nie jadavity: hryb dosyć redki i ŭ ciapierašni čas znachodzicca na miažy trapleńnia ŭ Čyrvonuju knihu.
Nazvu hety hryb atrymaŭ z-za pavucinistych vałoknaŭ, jakija ŭtvarajuć svojeasablivaje pokryva, achutvajuć kapialušyk i nožku hryba. Heta pokryva — cełaja sistema dla abarony ad paškodžańniaŭ i stvareńnia aptymalnych mikraŭmoŭ dla sporaŭ. Pa miery rostu pładovaha cieła jano razryvajecca i źnikaje.
Kapialušyk maładoha hryba šarapadobny i vypukły, z zahnutym ŭnutr krajem. Z časam jon rasprostvajecca i pieratvarajecca ŭ kapialuš da 15 santymietraŭ u dyjamietry. Nožka fijaletavaha hryba maje 12-16 santymietraŭ. I kapialušyk, i nožka hryba pakrytyja drobnymi čorna-fijaletavymi łuskavinkami. Kali razłamać miakać, to možna ŭbačyć, što jana taksama afarbavanaja ŭ fijaletavy koler.
Kamientary