Karyčnievy fietravy kapialuš, śpiecyjalna vyrableny dla zdymak filma «Indyjana Džons i chram losu», staŭ samym darahim łotam niadaŭniaha aŭkcyjonu ŭ Łos-Andželesie, dzie raspradavali halivudski rekvizit.
![](http://d3kcf2pe5t7rrb.cloudfront.net/img/w840d4webp1/photos/z_2024_08/690962-2ys9j.jpg.webp)
Jaho kupili za 630 tysiač dalaraŭ, piša BBC.
Akramia «asabistych rečaŭ doktara Džonsa», na prodaž byli vystaŭlenyja i inšyja pamiatnyja artefakty, jakija źjaŭlalisia na ekranie ŭ kultavych filmach pra Džejmsa Bonda, Hary Potera i hierojaŭ «Zornych vojnaŭ».
U kapielušy hieroj Charysana Forda, archieołah-avanturyst Indyjana Džons, źjaŭlajecca ŭ samym pačatku filma, kali, ratujučysia ad kitajskaj mafii, jon razam sa svaimi spadarožnikami vyskokvaje z padajučaha samalota i na nadzimanym płycie płaniruje ŭ raku.
Jak paviedamiŭ aŭkcyjonny dom, jaki pravodziŭ tarhi, dadatkova kapialuš zdymali i asobna ad haspadara, u studyi vizualnych efiektaŭ Džordža Łukasa — aŭtara scenaryja filma i jaho vykanaŭčaha pradziusara.
Akramia Forda, na zdymkach fietravy kapialuš nasiŭ i jaho dublor, kaskadzior Dyn Fierandzini.
Jak udakładnili pradstaŭniki aŭkcyjonnaha doma Propstore, fietravy kapialuš «sabalinaha koleru» — heta nie toj ža hałaŭny ŭbor, što hieroj Charysana Forda nasiŭ u pieršaj sieryi kinasahi, «U pošukach stračanaha kaŭčeha», a novy.
Na ŭnutranaj padkładcy kapialuša vytvorčaści łondanskaj kampanii Herbert Johnson Hat Company załatymi litarami vyšytaja manahrama «IJ» — inicyjały vydumanaha ŭładalnika.
U liku inšych vystaŭlenych na tarhi artefaktaŭ možna adznačyć jašče niekalki. Naprykład, šlem impierskaha šturmavika-raźviedčyka ź filma 1983 hoda «Viartańnie džedaja» (pieršaha źniataha epizodu kinasahi «Zornyja vojny») syšoŭ z małatka za 315 tys. dalaraŭ.
Čaroŭnaja pałačka Hary Potera, ź jakoj akcior Denieł Redklif nie razłučaŭsia na zdymkach filma «Hary Poter i Viazień Azkabana», znajšła svajho novaha ŭładalnika za 53,5 tys. dalaraŭ.
Kaścium Denieła Krejha ź filma 2012 hoda «007: Kaardynaty «Skajfołł»» syšoŭ za 35 tys. dalaraŭ.
Kamientary