Były hiendyrektar Google zajaviŭ, što «dystancyjniki» — heta biedstva sučasnych kampanij. Vybuchnuŭ skandał
U čas sustrečy sa studentami Stenfardskaha ŭniviersiteta były hiendyrektar karparacyi Google Eryk Šmit mocna raskrytykavaŭ prychilnikaŭ addalenaj pracy i abvinavaciŭ ich amal va ŭsich niaščaściach Google i inšych sučasnych kampanij. Hetaja pramova aburyła mnohich.
Pa słovach byłoha kiraŭnika Google Eryka Šmita, budučyja ŭładalniki biznesaŭ i kampanij pavinny zabaranić svaim supracoŭnikam pracavać z domu, kab mieć lepšyja, čym u kankurentaŭ pakazčyki, piša vydańnie Fortune.
Hetaja dumka była ahučana Šmitam u adkaz na pytańnie studentaŭ Stenfardskaha ŭniviersiteta, čamu karparacyja Google pry ŭsich jaje resursach i mahčymaściach u halinie štučnaha intelektu sastupaje takim nievialikim kampanijam, jak OpenAI (stvaralnica suśvietna viadomaj niejrasietki ChatGPT).
«Google vyrašyła, što bałans asabistaha i prafiesijnaha žyćcia razam z mahčymaściu pajści z pracy krychu raniej i pracavać z domu važniejšyja za pieramohu. A pryčyna, čamu startapy bolš efiektyŭnyja, mienavita ŭ tym, što ludzi tam pracujuć jak šalonyja.
Nie chaču padacca vam rezkim, ale fakt zastajecca faktam: kali vy skončycie ŭniviersitet i zachočacie zasnavać svaju kampaniju, jakaja budzie dobra kankuravać ź inšymi startapami, to vy nie dazvolicie supracoŭnikam pracavać addalena z domu i prychodzić na pracu ŭsiaho adzin raz na tydzień», — paraiŭ studentam Stenfarda były hiendyrektar karparacyi Google Eryk Šmit.
Krytyčnyja zajavy biznesmiena tranślavalisia na YouTube administracyjaj Stenfardskaha ŭniviersiteta (videa sabrała amal paŭtara miljonaŭ prahladaŭ), ale praź nievialiki čas z-za masavaha abureńnia ludziej u kamientarach pad videa pramova Eryka Šmita była vydalenaja z płatformy.
Adnak jaje poŭnaja rasšyfroŭka na anhlijskaj movie była zachavanaja karystalnikami partała Github.
Sam Šmit potym vybačyŭsia za svaju pramovu ŭ Stenfardzie i padkreśliŭ, što škaduje pra skazanyja im abrazy ŭ adras «dystancyjnikaŭ».
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary
Nie, bacieńka, da chalery idzicie) Niama durnych, z takimi nahruzkami i pierapracoŭkami. Ludzi rodnych nia bačać tydniami i načujuć u ofisie, i ja nie tolki pra Huhł.