Ukrainskija ŭłady prainfarmavali administracyju ZŠA ab rašeńni zvolnić Załužnaha — The Washington Post
Pradstaŭniki Biełaha doma nie padtrymali i nie zapiarečyli płanavanamu adchileńniu ad pasady hienierała Valeryja Załužnaha, zajaviŭšy, što heta suvierenny vybar prezidenta Uładzimira Zialenskaha, havorycca ŭ artykule, apublikavanym The Washington Post. Vydańnie spasyłajecca na dźvie krynicy, znajomyja z pytańniem.
«Zialenski jašče nie vydaŭ aficyjnaha ŭkazu, jaki abviaščaje pra adstaŭku Załužnaha, i nieviadoma, kali heta moža adbycca. Papiaredniaje paviedamleńnie Vašynhtonu adlustroŭvaje ŭpłyvovuju rolu ZŠA jak samaha mahutnaha vajskovaha i palityčnaha zastupnika Ukrainy. Rańniaje papiaredžańnie taksama dało Biełamu domu mahčymaść pierakanać Zialenskaha pierahledzieć klučavoje rašeńnie, navat niahledziačy na toje, što jon vyrašyŭ nie rabić hetaha», — havorycca ŭ artykule.
Jak adznačaje vydańnie, adstaŭka Załužnaha, adnoj z samych papularnych fihur u hramadstvie, moža paŭpłyvać na maralny duch vojskaŭ i padarvać davier zachodnich donaraŭ. Ale luby krok ZŠA pa asprečvańni rašeńnia Zialenskaha moža razhladacca jak akazańnie niepravamiernaha ŭpłyvu.
Styvien Pajfier, były pasoł ZŠA va Ukrainie, skazaŭ z hetaj nahody: «Adčuvańnie raskołu na samym viersie ŭ Kijevie nie idzie na karyść Ukrainie, ale amierykanski ŭrad nie pavinien u heta ŭviazvacca».
Zialenski moh by adkłaści pryniaćcie pastanovy na niavyznačany termin, ale heta małavierahodna, kažuć ludzi, znajomyja ź jahonym mierkavańniem. Niedavier pamiž Zialenskim i Załužnym uzrastaŭ praz padazreńni ŭ palityčnych ambicyjach hienierała, a taksama praz roznahałośsi ŭ klučavych pytańniach, uklučajučy mabilizacyju 500 tysiač žaŭnieraŭ.
U chodzie napružanaj sustrečy ŭ paniadziełak Załužny śćviardžaŭ, što navabrancy nieabchodnyja dla pośpiechaŭ na poli boju pierad abliččam bolšaj ahniavoj mocy i kolkaści voraha. Ukrainie taksama nieabchodna padrychtavacca da strat asabovaha składu, jakija, jak čakajecca, buduć supastaŭnyja ź letašnimi, skazaŭ jon.
Na hetaj samaj sustrečy Zialenski nibyta paviedamiŭ Załužnamu pra jahonuju adstaŭku.
«My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy7
Kamientary