U ZŠA niemaŭla vyžyła paśla taho, jak jaho zasmaktała i źniesła tarnada
Dniami ŭ štacie Tenesi pranieślisia niekalki tarnada. Adno ź ich razburyła dom na kołach, jaki naležaŭ maładoj siamji.
Para śćviardžaje, što nie čuli papiaredžańnia pra tarnada. Kali ich dom pačaŭ rušycca, mama instynktyŭna nakryła svaim ciełam starejšaje dzicia, a baćka namahaŭsia ŭtrymać kałysku z małodšym synam, jakoha pačało zasmoktvać u varonku. Mužčyna nie zmoh utrymać małoha, bo jaho adkinuła ŭ bok. Ad udaru jon złamaŭ ruku i plačo.
Praz 10 chvilin tarnada adstupiła, i siamja pačała šukać čatyrochmiesiačnaha chłopčyka.
Jany ŭžo amal nie mieli nadziei znajści jaho žyvym, ale nieŭzabavie znajšli dzicia na razburanym drevie. Chłopčyk byŭ ceły i vyhladaŭ tak, byccam niechta akuratna pakłaŭ kałysku ź im na dreva.
Na ščaście, usie čaćviora členaŭ siamji vyžyli, choć atrymali roznyja traŭmy. U čatyrochmiesiačnaha małyša vyjavili tolki parez na vuchu. Akramia taho, siamja straciła dom, mašynu, meblu i vopratku.
Na płatformie GoFundMe arhanizavany zbor na dapamohu siamji.
«Hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach8
Kamientary