U Hiermanii ŭstupili ŭ siłu praviły, jakija zabaraniajuć mieć pry sabie nož
Pakiet biaśpieki, pradstaŭleny ŭradam i zaćvierdžany parłamientam — adkaz uładaŭ na apošniuju chvalu napadaŭ u Hiermanii. Ciapier nažy zabaronienyja na spartyŭnych mierapryjemstvach, fiestyvalach, kancertach, vystavach i kirmašach, piša Biełaruskaja słužba Polskaha radyjo.
U ciahnikach i aŭtobusach nož ciapier možna pieravozić tolki ŭ zakrytaj upakoŭcy bieź lohkaha dostupu da jaho.
Palicyja ŭžo praviała pieršyja pravierki pa novych praviłach na masavych mierapryjemstvach, jakija ładziacca ŭ hetyja vychodnyja.
Hetyja novaŭviadzieńni źviazanyja z tym, što za apošnija miesiacy ŭ Hiermanii adbylisia šmatlikija napady z nažom, u asnoŭnym z boku imihrantaŭ.
U suviazi z hetym uvodziacca taksama novyja praviły ŭ dačynieńni da inšaziemcaŭ, jakija prosiać prytułku ŭ Hiermanii. Fiederalnaje viedamstva pa spravach imihrantaŭ i biežancaŭ ciapier maje prava vykarystoŭvać bijamietryčnyja danyja dla identyfikacyi asob. Paśla naviedvańnia krainy pachodžańnia asoba, jakaja raniej atrymała prytułak, hublaje prava na jaho — ale hetaje pałažeńnie nie raspaŭsiudžvajecca na ŭkraincaŭ.
U svaju čarhu asoby, jakija padali prašeńnie ab nadańni prytułku ŭ inšaj krainie Jeŭrasajuza, stračvajuć prava na ŭsie lhoty ŭ Hiermanii.
Kamientary