U Ńju-Jorku ŭłady prymusova ŭsypili ručnuju vaviorku, vielmi papularnuju ŭ sacsietkach
Vaviorka pa mianušcy Arachis, jakaja stała znakamitaj dziakujučy vialikaj i addanaj aŭdytoryi ŭ instahramie, była ŭsyplenaja praź niekalki dzion paśla jaje kanfiskacyi ŭładami Ńju-Jorka, paviedamlaje Bi-bi-si. Pierad hetym Departamient achovy navakolnaha asiarodździa štata zabraŭ vaviorku z doma jaje haspadara Marka Łonha paśla skarhaŭ na niebiaśpiečnyja ŭmovy dla ŭtrymańnia žyvioliny.
Čynoŭniki paviedamili, što rasśledavańnie było raspačata paśla šmatlikich paviedamleńniaŭ ad hramadskaści adnosna niebiaśpiečnych umoŭ utrymańnia dzikich žyvioł, jakija mohuć być nośbitami šalenstva, i adnosna niezakonnaha ŭtrymańnia dzikich žyvioł u jakaści chatnich hadavancaŭ.
Mark Łonha prasiŭ ułady viarnuć Arachisa, napisaŭšy ŭ instahramie, što dla ŭstanovy, jakaja jaho zabrała, «jość asobnaje miesca ŭ piekle».
Adnak nieŭzabavie ŭłady paviedamili, što vaviorku ŭsypili paśla taho, jak jana ŭkusiła supracoŭnika padčas kanfiskacyi. Taksama Departamient achovy navakolnaha asiarodździa ŭsypiŭ janota pa imieni Fred, jakoha taksama kanfiskavali z domu Łonha padčas taho samaha ž rejdu.
Navina pra śmierć Arachisa źjaviłasia na fonie pietycyi, pad jakoj stali źbirać podpisy za jaho viartańnie. Podpisaŭ byli sabrali ŭžo bolš za 30 000. Akramia taho, Mark Łonha pačaŭ zbor hrošaj na jurydyčnyja vydatki dla zmahańnia z Departamientam, i ŭžo naźbiraŭ 13500 dalaraŭ.
Paśla atrymańnia infarmacyi pra ŭsypleńnie Mark Łonha nazvaŭ usio, što adbyłosia, «žudasnym kašmaram». Jon apublikavaŭ numar telefona Departamienta i zaklikaŭ prychilnikaŭ telefanavać tudy dy «vykazvać svaje pačućci».
U asobnym storys u instahramie jon padziakavaŭ fanatam Arachisa za «luboŭ i padtrymku», jakuju atrymała jaho siamja, i zaklikaŭ rabić achviaravańni, kab dapamahčy inšym žyviołam, jakija ŭtrymlivajucca na jahonaj «fiermie svabody».
Łonha zabraŭ sabie Arachisa siem hadoŭ tamu, kali ŭbačyŭ vaviorčania kala maci, jakaja trapiła pad koły aŭtamabila. Jon dahladaŭ vaviorku, pakul jana nie nabrałasia siłaŭ, i vypuściŭ jaje, ale na nastupnuju ranicu znoŭ znajšoŭ na svajoj vierandzie z «adarvanym kavałkam chvasta».
Z taho času akaŭnt Arachisa ŭ Instahramie sabraŭ bolš za 500 000 padpisčykaŭ. Na staroncy raźmieščanyja videa, dzie vaviorka ŭdzielničaje ŭ scenach z Łonha, časam apranutaja ŭ kapialušyki, załazić na jaho ci abdymajecca ź im, a taksama časta jeść vafli.
U Zimbabve z-za zasuchi źbirajucca zabić 200 słanoŭ
Biełaruska padabrała na vulicy vavierčania. Jak vyjaviłasia, darma
Ź dzikimi žyviołami ŭ Jeŭropie buduć zmahacca pry dapamozie kantraceptyvaŭ
Za apošniaje dziesiacihodździe na 30% skaraciłasia papulacyja vožykaŭ
Biełarus pracavaŭ u Afrycy i kupiŭ sabie babuina
«Parvaŭ-pahryz usio cieła». Kot pravaabaroncy Sysa brutalna napaŭ na jaho žonku, taja trapiła ŭ balnicu
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary