Dvoje minskich tyniejdžaraŭ utapili ŭ Śvisłačy šeść elektrasamakataŭ
Padletki poźniaj nočču viartalisia z kampjutarnaha kłuba. Prachodziačy pa nabiarežnaj Śvisłačy, pryjacieli ŭbačyli čatyry šerynhavyja samakaty. Adzin z chłopcaŭ prapanavaŭ kinuć ich u raku, što jany i zrabili.
Praź niekalki dzion maładyja ludzi ŭtapili jašče dva elektrasamakaty. Ahulnaja suma naniesienaj šerynhavaj kampanii škody skłała bolš za 3 600 rubloŭ, pišuć Minsk-naviny.
Chłopcaŭ vyličyli dziakujučy zapisam kamier videanazirańnia, u dačynieńni da ich raspačali kryminalnuju spravu. Svaje ŭčynki pryjacieli tak i nie zmahli vyrazna rastłumačyć.
— Adzin z abvinavačanych navučajecca ŭ 10-m kłasie adnoj sa škoł, jaho siabra — navučeniec kaledža, jaki raniej užo mieŭ prablemy z zakonam, — prakamientavaŭ namieśnik prakurora Centralnaha rajona Andrej Nikolski.
Vinu maładyja ludzi pryznali całkam, u zroblenym raskajalisia.
U dačynieńni da abvinavačanych abranaja miera strymańnia ŭ vyhladzie addačy niepaŭnaletnich pad nahlad.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary