Błohiery addali na Kamaroŭcy 190 rubloŭ za šeść kiłahramaŭ sadaviny
Jak takoje mahčyma?
Para minskich błohieraŭ padzialiłasia ŭ tyktoku historyjaj pachodu na Kamaroŭski rynak pa sadavinu.
Za adnosna nievialiki pakiet ahulnaj vahoju ŭ 6 kiłahramaŭ jany addali 190 rubloŭ. Maładyja ludzi nie viedajuć, ci sapraŭdy toje, što jany nabyli, kaštuje stolki, kolki im daviałosia zapłacić.
«Sumna z-za cany. Kali heta realna takaja cana. (…) Kali nas jak łachoŭ prosta n***li», — havoryć małady čałaviek.
«My nie hladzieli. Jana ŭzvažvała i ŭzvažvała. I ŭ kancy skazała canu, — havoryć dziaŭčyna i dadaje: — Bolš my na rynki nie chodzim. Heta vielmi doraha».
Kak vy sčitajetie, opravdanaja ciena?) Bolšie nas v inst: diankaa_savitskaya
U kamientaryjach padličyli, što adzin kiłahram sadaviny abyšoŭsia błohieram u bolš jak 30 rubloŭ.
Niekatoryja dzielacca historyjami, jak ich naduryli pradaŭcy. Inšyja zaŭvažajuć, što maładyja ludzi mahli nie płacić, kali nie zhodnyja, i razabracca na miescy. Možna było taksama viarnucca i paprasić pieraličyć.
«Kudy vy hladzieli? Dva darosłyja čałavieki nie ŭ stanie prakantralavać pradaŭca i svaje pakupki», — zaŭvažaje adzin z kamientataraŭ.
Jość i prapanovy źjeździć na rynak u Tabary, dzie dobryja ceny. A voś u Valarjanava nie rajać, bo nabyli tam «3 churmy za 43 rubli».
Niekatoryja zaŭvažyli ŭ pakunku błohieraŭ ekzatyčnuju sadavinu, kštałtu pitachai koštam 20-30 rubloŭ za štuku, i rajać aŭtaram videa źniać «raspakoŭku».
U vyniku, małady čałaviek usio ž viarnuŭsia na rynak i daviedaŭsia ceny. U novym videa jon demanstruje «ekzatyčny jabłyk» (čerymoju), nazvu jakoha nie viedaje, i raskazvaje, što za jaho daviałosia zapłacić 21 rubiel. «Jon by mnie nie ŭs*aŭsia, kab ja viedaŭ, jakaja na jaho cana», — emacyjna kamientuje chłopiec.
Za adnu pitachaju jon addaŭ 22 rubli.
«Nabrali pafasnaj sadaviny i jašče dziviacca cenam», — zaŭvažaje adna z karystalnic.
Vot takoj finał istorii)) Bolšie nas v inst: diankaa_savitskaya
U cełym ludzi pahadžajucca, što na Kamaroŭskim rynku ceny zavyšanyja, i śćviardžajuć, što ciapier dobry vybar sadaviny ŭ hipiermarkietach.
Sama ž aŭtarka videa zaŭvažaje: «Vysnova adna — u «Jeŭraopcie» tańniej».
Chtości stvaryŭ falšyvy sajt KDB i ciškom źbiraŭ danosy4
Kamientary