Małady łahapied pakazała svoj zarobak. Nie ŭsie paspačuvali: Miłyja, viedali, kudy idziom
Minčanka, jakaja pracuje pa raźmierkavańni łahapiedam u dziaržaŭnaj škole, vykłała ŭ tyktok svoj zarobak. Reakcyi roznyja.
Dziaŭčyna pieršy hod na adpracoŭcy. Za vierasień jana atrymała 720 rubloŭ (ź ich 103 rubli — dapłata maładomu śpiecyjalistu). Za kastryčnik — 502 rubli (bo 13 dzion była na balničnym).
Dziaŭčyna pracuje na 1 staŭku, 20 hadzin na tydzień.
Jaje videa ŭ tyktok sabrała amal 100 tysiač prahladaŭ.
Mnohija kamientatary dzivilisia: dyk vy ž zaniatyja tolki pałovu dnia, narmalnyja hrošy dla takoj zahruzki.
Łahapied patłumačyła: 20 hadzin — heta tolki zaniatki, jakija jana pravodzić. Jašče 15 hadzin jaje nahruzki — padrychtoŭka da ich i dakumientacyja.
«Ja pavinna napisać płan-kanśpiekty na kožny zaniatak, a ŭ mianie ich 8-10 na dzień, padrychtavać materyjał nahladny, padrychtavać hulni», — dzielicca jana.
Aproč hetaha, treba napisać baćkam rekamiendacyi pra toje, što zrabili ź dziciem i što treba zamacavać.
«Dy heta nie zarobak dla maładoha śpiecyjalista. Apranucca, vypłacić za žyllo, charčavańnie, i heta nazyvajecca haleča», — spačuvajuć ludzi ŭ kamientarach.
«Jak mama asablivaha dziciaci, skažu vialiki dziakuj za vašu pracu! Pakolki sama viedaju, jakich niervaŭ i sił heta kaštuje», — piša žančyna pad dopisam.
Ale nie ŭsie ličać taki zarobak katastrofaj.
«Miłyja, my sami vybirajem sabie prafiesiju… Viedali, kudy idziom. Da čaho ciapier skardzicca… Šmat u kaho zarobak mienšy. Ale treba imknucca da bolšaha», — pišuć u adkaz.
«Na niekatorych zavodach za hetyja hrošy ludzi ščyrujuć miesiac, u choładzie, hrazi… Chto na što vučyŭsia», — razvažajuć.
«Tut zusim nie maładyja śpiecyjalisty atrymlivajuć 700 r. Žyvučy z baćkami žyć možna, a potym zamuž vyjdzieš, z mužam budziecie 3000 na dvaich i normalna, žyć možna», — pavučajuć.
Siaredni zarobak biudžetnikaŭ vyras na 39,8 rubla, ale «čystymi» rabotnik atrymaje ŭsiaho 392 dalary
Upieršyniu za paŭtara hoda siaredni zarobak «brudnymi» ŭpaŭ nižej za 600 dalaraŭ
«Administracyja choča, kab my sačyli za baćkami». Nastaŭnica raskazała, što ciapier adbyvajecca ŭ škołach
Jak pracuje i kolki zarablaje biełaruskaja doktarka ŭ Čechii
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami46
Kamientary
Chadzili na studenckija maršy.
Moža, starejšamu pakaleńniu treba pašavialicca, a nie na dziaciej usio śpichivać?
Što mahli studenty ŭ 2020m, kali darosłyja jak durni chadzili ź biełymi braśletami i kvietkami?
Dy j usio hetyja piedahohi - hnoj dla dyktatury, viernyja siabry vybarčych kamisij.