Jeŭrapiejcam parekamiendavali stvaryć zapas praduktaŭ na vypadak napadu Rasii
Žycharam Jeŭrapiejskaha Sajuza rekamiendujecca zapasacca ekstrannymi srodkami na vypadak vajny abo inšaj bujnoj nadzvyčajnaj situacyi. Pra heta havorycca ŭ spravazdačy ab hramadzianskaj i vajskovaj hatoŭnaści Jeŭropy, piša Newsweek.
Adnym z aŭtaraŭ dakumienta źjaŭlajecca Saŭli Niiniścio — były prezident Finlandyi i śpiecyjalny daradca staršyni Jeŭrapiejskaj kamisii.
U dakumiencie adznačajecca, što ES nie byŭ hatovy ni da pandemii COVID-19, ni da ahresii Rasii suprać Ukrainy, i jamu nieabchodna pierajści «ad reaktyŭnych zachadaŭ da praaktyŭnaj hatoŭnaści».
U ramkach hetaj stratehii ES rekamienduje hramadzianam mieć zapas nieabchodnych rečaŭ i praduktaŭ na 72 hadziny ŭ vypadku nadzvyčajnaj situacyi. Aŭtary spravazdačy rajać jeŭrapiejskim dziaržavam dać svaim hramadzianam rekamiendacyi pa zapasach, evakuacyi i dostupu da ekstranych słužbaŭ.
Siarod inšaha ŭ dakumiencie rekamiendujecca zapasacca praduktami charčavańnia, napojami, miedykamientami, lichtarykami i radyjopryjomnikami na batarejkach.
Hetyja rekamiendacyi nakiravanyja na padrychtoŭku hramadzian ES da roznych nadzvyčajnych situacyj — ad novaj pandemii da ekstremalnych umoŭ nadvorja abo ŭzbrojenaj ahresii.
U dakumiencie adznačajecca, što mahčymaje vajennaje ŭvarvańnie Rasii źjaŭlajecca adnoj z asnoŭnych pahroz.
«U nas niama dakładnaha płanu, što budzie rabić ES u vypadku ŭzbrojenaj ahresii suprać dziaržavy-člena. Pahroza vajny, jakaja pachodzić ad Rasii, stavić pad sumnieŭ biaśpieku Jeŭropy i prymušaje nas razhladać hetaje pytańnie jak centralny elemient našaj hatoŭnaści, nie zabyvajučysia pry hetym pra padrychtoŭku da inšych surjoznych pahroz», — adznačajecca ŭ spravazdačy.
Spravazdača taksama prapanuje šerah mier, uklučajučy vydzialeńnie nie mienš za 20% ahulnaha biudžetu ES na ŭmacavańnie biaśpieki i hatoŭnaści da kryzisaŭ. Akramia taho, u joj prapanujecca pavialičyć abmien raźviedvalnaj infarmacyjaj pamiž dziaržavami.
Siastra Kaleśnikavaj prapanavała ŭ Bruseli try kroki, jakija treba zrabić dla vyzvaleńnia palitviaźniaŭ23
Kamientary