Prablema padpalenaha knota — ci zmožacie vy rašyć hetuju matematyčnuju hałavałomku
Prapanujem vam čarhovuju hałavałomku. Na hetym tydni zahadka pryhožaja i karotkaja, choć vyśviatleńnie adhadki moža akazacca niaprostaj spravaj.
Prablema
U Vas jość dva ŭmočanyja ŭ alej knaty. Na praharańnie kožnaha idzie roŭna 1 hadzina. Knaty nie harać z pastajannaj chutkaściu: miescami jany harać chutčej, miescami pavalniej, ale dla zaviaršeńnia pracesu zaŭsiody patrabujecca roŭna adna hadzina.
U Vas jość zapalnička (navat niekalki na ŭsialaki vypadak), kab zapalić viaroŭki. Jak Vy možacie admierać roŭna 45 chvilin?
Padkazka
Popular Mechanics raić padumać pra toje, što Vy možacie zapalić niekalki kancoŭ i/abo niekalki viarovak adnačasova. Padumajcie pra razumnyja sposaby padpalić hetyja viaroŭki i źviercie z adkazam, jaki znojdziecie nižej.
Rašeńnie
Hetaja zadača padobnaja pa kancepcyi z hałavałomkaj pra piasočnyja hadzińniki, jakuju my publikavali raniej. Kancepcyja choć i prostaja, ale jaje rašeńnie patrabuje razumnaha myśleńnia. Dyk jakija kambinacyi kancoŭ viaroŭki možna padpalić, kab admierać 45 chvilin?
Pakolki pa ŭmovach zadačy roznyja ŭčastki viarovak harać z roznaj chutkaściu, vy nie možacie prosta vymierać 75 adsotkaŭ daŭžyni adnoj viaroŭki i spadziavacca, što jana budzie hareć 45 chvilin. Apošnija 25 adsotkaŭ mohuć taksama hareć krychu chutčej abo krychu pavolniej.
Adnak kali padpalić adnu ź viarovak adnačasova z abodvuch kancoŭ, jana zharyć za 30 chvilin, navat kali adzin bok zharyć chutčej za druhi (bo dla zaviaršeńnia pracesu zaŭsiody patrabujecca roŭna 1 hadzina).
Takim čynam, voś što Vy zrobicie: zapalicie adnu ź viarovak adrazu na abodvuch kancach i adnačasova zapalicie druhuju viaroŭku tolki z adnaho kanca. Kali pieršaja viaroŭka poŭnaściu daharaje — prajšło 30 chvilin. U hety momant vy zapalvajecie niekranuty kaniec druhoj viaroŭki.
Pakolki 30 chvilin druhoj viaroŭki ŭžo vyčarpanyja, zastałosia jašče 30 (choć heta nie abaviazkova aznačaje, što pałova daŭžyni viaroŭki zhareła: pazastałaja daŭžynia moža być bolš ci mienš). Zapalvańnie druhoha kanca ŭ momant zharańnia pieršaj viaroŭki pryviadzie da taho, što astatniaja častka druhoj viaroŭki zharyć praz 15 chvilin. Takim čynam, paśla taho, jak druhaja viaroŭka poŭnaściu praharyć, projdzie roŭna 45 chvilin.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary