Navuka i technałohii

Microsoft abviaściŭ ab adkryćci dostupu da pošukavika Bing na asnovie štučnaha intelektu dla ŭsich karystalnikaŭ

Amal praz try miesiacy paśla taho, jak kampanija debiutavała z abmiežavanaj papiaredniaj viersijaj svajho novaha Bing, jaki pracuje na bazie virusnaha čat-bota AI ChatGPT, Microsoft adkryvaje jaho dla ŭsich karystalnikaŭ pry ŭmovie, što tyja ŭvajšli ŭ pošukavuju sistemu praz braŭzier Microsoft Edge.

Bing z srodkam štučnaha intelektu

Pra heta paviedamlaje CNN i adznačaje, što niahledziačy na zakłapočanaść dalejšymi pierśpiektyvami raźvićcia štučnaha intelektu, jakaja ŭzrasła ŭ apošnija miesiacy, kampanija Microsoft praciahvaje ruchacca napierad.

«My stanovimsia lepšymi ŭ chutkaści, my stanovimsia lepšymi ŭ dakładnaści… ale my znachodzimsia ŭ biaskoncym pošuku, kab zrabić usio lepšym i lepšym», —

zajaviŭ CNN vice-prezident Microsoft Jusuf Mechdzi (Yusuf Mehdi), jaki kuryruje inicyjatyvy štučnaha intelektu.

Na prezientacyi dla presy byli pradstaŭlenyja takija novyja mahčymaści čat-bota Bing, jak mahčymaść zadavać jamu pytańni z vyjavami, dostup da historyi čataŭ z metaj zapaminańnia čat-botam papiarednich razmoŭ z karystalnikam, ekspart adkazaŭ u Microsoft World. Karystalniki atrymali mahčymaść piersanalizacyi tonu i stylu adkazaŭ čat-bota.

Na siońnia Bing maje bolš za 100 miljonaŭ aktyŭnych karystalnikaŭ kožny dzień. Ich kolkaść, pa słovach Mechdzi, značna pavialičyłasia za apošnija niekalki miesiacaŭ.

Viadoma, što ŭ lutym kampanija pradstaviła abnoŭlenuju pošukavuju sistemu Bing. Akramia pradstaŭleńnia śpisu adpaviednych spasyłak, jak u tradycyjnych pošukavych sistemach, pašukavik Bing staŭ stvarać piśmovyja zvodki vynikaŭ pošuku, razmaŭlać z karystalnikami, kab adkazać na dadatkovyja pytańni pra ich zapyty, navučyŭsia pisać elektronnyja listy abo inšyja piśmovyja kampazicyi na asnovie vynikaŭ.

Jak adznačaje CNN, usplosk uvahi da ChatGPT, jaki nazirajecca ŭ apošnija miesiacy, dapamoh adnavić «honku ŭzbrajeńniaŭ» siarod technałahičnych kampanij pa razhortvańni padobnych instrumientaŭ u svaich praduktach.

U avanhardzie znachodziacca OpenAI, Microsoft i Google, ale IBM, Amazon, Baidu i Tencent taksama pracujuć nad padobnymi technałohijami.

Akramia dadavańnia funkcyj štučnaha intelektu dla pošuku, Microsoft zajaviła, što płanuje pryŭnieści technałohiju ChatGPT u svaje asnoŭnyja instrumienty pavyšeńnia pradukcyjnaści, uklučajučy Word, Excel i Outlook.

CNN adznačaje, što rašeńnie ab dadavańni hienieratyŭnych funkcyj štučnaha intelektu ŭ Bing moža być asabliva ryzykoŭnym, uličvajučy, nakolki ludzi spadziavajucca na pošukavyja sistemy dla atrymańnia dakładnaj i nadziejnaj infarmacyi.

U sakaviku hetaha hoda niekatoryja z najviadomiejšych ludziej u halinie technałohij, siarod jakich Iłan Mask (Elon Musk) i sazasnavalnik Apple Styŭ Voźniak (Steve Wozniak) zaklikali łabaratoryi štučnaha intelektu spynić navučańnie samych mahutnych sistem štučnaha intelektu jak minimum na šeść miesiacaŭ, spasyłajučysia na «vialikuju niebiaśpieku dla hramadstva i čałaviectva».

Dniami daśledčyk Džefry Chintan (Geoffrey Hinton), jaki adyhraŭ vyrašalnuju rolu ŭ raspracoŭcy štučnych niejronnych sietak, taksama dałučyŭsia da skieptykaŭ i papiaredziŭ ab patencyjnych pahrozach dalejšaha raźvićcia štučnaha intelektu.

CNN pryvodzić słovy vice-prezidenta Microsoft Jusufa Mechdzi ab tym, što zakliki da takoj paŭzy nie vielmi karysnyja. «Niekatoryja ludzi dumajuć, što my pavinny prypynić raspracoŭku na paŭhoda, ale ja nie ŭpeŭnieny, što heta niešta vypravić, palepšyć abo zrušyć ź miesca», — adznačyŭ Mechdzi i dadaŭ:

«Adziny sposab pa-sapraŭdnamu dobra stvaryć hetuju technałohiju — heta pradstavić jaje šyrokaj publicy, kab my mahli jaje abmiarkoŭvać».

Čytajcie jašče:

Google daje svajmu ŠI mahčymaść stvarać i adładžvać kod

Vialikabrytanija vydatkuje 100 miljonaŭ funtaŭ sterlinhaŭ na raspracoŭku ŭłasnaha «suvierennaha» štučnaha intelektu

Kitaj choča, kab štučny intelekt adlustroŭvaŭ asnoŭnyja kaštoŭnaści sacyjalizmu

Kamientary

Rabotnicy suda pahražaje da 12 hadoŭ za «zakliki da sankcyj i abrazu Łukašenki»3

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ3

Zamach na Donalda Trampa płanavaŭ Iran — CNN12

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami31

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»3

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →