Navuka i technałohii77

«Chrosny baćka» štučnaha intelektu zajaviŭ, što škaduje ab svaim vynachodnictvie

Daśledčyk Džefry Chintan (Geoffrey Hinton), jaki adyhraŭ vyrašalnuju rolu ŭ raspracoŭcy štučnych niejronnych sietak, papiaredžvaje ab patencyjnych pahrozach svaich raspracovak.

Džefry Chintan, Geoffrey Hinton
Džefry Chintan padčas intervju CBS. Skrynšot videa

Hučnaja zajava Džefry Chintana nie zastałasia biez uvahi suśvietnych ŚMI.

New York Times cytuje słovy kanadska-brytanskaha daśledčyka ab tym, što «častka mianie ciapier škaduje ab pracy majho žyćcia». 

U 2012 hodzie doktar Chintan i dvoje jaho vučniaŭ z Univiersiteta Taronta stvaryli technałohiju, jakaja stała intelektualnaj asnovaj dla sistem štučnaha intelektu.

U 2018 hodzie vučony razam ź Janam Lekunam (Yann Le Cun) i Jošua Benžo (Yoshua Bengio) atrymaŭ samuju prestyžnuju ŭznaharodu dla daśledčykaŭ u halinie infarmatyki — premiju Ćjurynha. Daśledavańni doktara Chintana dazvolili raspracavać takija instrumienty štučnaha intelektu, jak ChatGPT, Google Bard i Midjourney.

U intervju BBC vučony nazvaŭ niebiaśpieku čat-botaŭ štučnaha intelektu «davoli strašnaj».

«Nakolki ja mahu mierkavać, ciapier jany nie bolš razumnyja za nas. Ale ja dumaju, što chutka jany mohuć takimi stać», — adznačyŭ Chintan.

Jak adznačaje New York Times, vučony zakłapočany niebiaśpiekaj masavaha raspaŭsiudžańnia ŭ internecie falšyvych videa, fota i artykułaŭ, stvoranych z dapamohaj štučnaha intelektu. Jon aścierahajecca, što «zvyčajnyja ludzi ŭžo nie mohuć adroźnić praŭdy ad falšu».

Doktar Chintan taksama zakłapočany tym, što technałohii štučnaha intelektu z časam pieraviernuć rynak pracy i pazbaviać jaho bolšaha, čym prosta «ciažkaj pracy».

U intervju CBS Chintan śćviardžaje, što sistemy štučnaha intelektu, zdolnyja da intelektualnaj dziejnaści, buduć karysnyja dla vajennych abo ekanamičnych metaŭ. Jon niepakoicca, što zvyčajna intelektualnyja sistemy štučnaha intelektu mohuć «stvarać padmety», jakija nie adpaviadajuć intaresam ich prahramistaŭ. Vučony adznačaje, što «nam treba dobra padumać, jak kiravać» sistemami štučnaha intelektu, zdolnymi samaŭdaskanalvacca.

Džefry Chintan vykazaŭsia taksama ab niebiaśpiecy naŭmysnaha ŭžyvańnia štučnaha intelektu «drennymi dziejačami» dla «drennych spraŭ».

U intervju BBC jon zajaviŭ, što «najhoršy» scenaryj byŭ by, kali takaja dziaržava-zachopnik, jak Rasija, atrymała b dostup da ŭdaskanalenych viersij sučasnych technałohij.

Jak adznačaje LeMond, krytyka doktara Chintana suhučnaja z dumkami, vykładzienymi ŭ adkrytym liście, jaki ŭ krasaviku hetaha hoda padpisała tysiača ekśpiertaŭ u śfiery štučnaha intelektu. Jany paprasili na paŭhoda prypynić daśledavańni, kab raspracavać praviły dla hetaha prahramnaha zabieśpiačeńnia, jakoje ličycca «niebiaśpiečnym dla čałaviectva». Jaho padpisali Jošua Benžo (Yoshua Bengio) i Iłan Mask (Elon Musk).

Sam Džefry Chintan, jakoha nazyvajuć «chrosnym baćkam štučnaha intelektu», nie chacieŭ padpisvać hety list, pakul byŭ supracoŭnikam Google.

«Ja syšoŭ, kab havaryć pra niebiaśpieku štučnaha intelektu, nie ŭličvajučy, jak heta ŭpłyvaje na Google», — napisaŭ vučony ŭ tvitary paśla abviaščeńnia ab svajoj adstaŭcy.

LeMond cytuje zajavu kiraŭnika padraździaleńnia Google, jakoje zajmajecca štučnym intelektam (Google IA), Džefa Dyna (Jeff Dean): «My pa-raniejšamu addanyja adkaznamu padychodu da štučnaha intelektu. My pastajanna vučymsia razumieć novuju ryzyku, adnačasova advažna ŭnosiačy inavacyi».

Vykazvajučy pieraściarohi ab budučyni raspracovak, na čale jakich jon stajaŭ, Džefry Chintan zajaviŭ CBS: «Ja suciašaju siabie zvyčajnym apraŭdańniem: kali ja nie zrabiŭ by hetaha, zrabiŭ by niechta inšy».

Čytajcie jašče:

ŚMI vyśvietlili, kolki moža kaštavać adzin dzień pracy ChatGPT. I heta suma astranamičnaja

Kitaj choča, kab štučny intelekt adlustroŭvaŭ asnoŭnyja kaštoŭnaści sacyjalizmu

Kamientary7

  • Kazik
    03.05.2023
    Zatoje viesieła! Kožny raz niešta novaje
  • Dziad́źka ŭ Vilni
    03.05.2023
    Ad pačatku było zrazumieł, što dabrom hetaja sprava nia končycca. Patrebnaja była svoječasovaja zabarona dla raspracoŭščykaŭ na tvorčuju dziejnaść. 

    Nu ničoha... budziecie z maślonkami biehać, padšypniki hienierataraŭ zmazvać. Kab smačnieńkaj elektraenierhii chapiła kampjuternym sietkam. Razumnaje žyćcio praciahniecca, ale biez nas.
  • Oleh
    03.05.2023
    Eto paranoja čisto čiełoviečieskaja. Začiem naprimier II boroťsia s lud́mi jeśli možno uletieť žiť na łunu? Posmotritie film prievoschodstvo s Džońni Depom.

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →