Navuka i technałohii33

Microsoft pakazaŭ novy pošukavik. Choča źmianić naša ŭjaŭleńnie pra internet

7 lutaha kampanija Microsoft prezientavała pierazapusk svajoj pošukavaj sistemy Bing. Atrymaŭsia servis, jaki moža źmianić toje, jak my ŭsie karystajemsia internetam.

Ciapier Bing pracuje pry dapamozie niejrasietki, stvoranaj kampanijaj OpenAI — raspracoŭščykami našumiełaj niejrasietki ChatGPT. Heta dazvolić pošukaviku nie tolki znachodzić infarmacyju pa temie, ale i atrymlivać našmat bolš dakładnuju infarmacyju, piša techcrunch.com.

Jak heta pracuje? Pavodle supracoŭnika Microsoft Jusufa Miechdzi, zvyčajnyja pošukaviki dobra znachodziać infarmacyju i bazavyja fakty, ale jany nie spraviacca z bolš składanym zapytam nakštałt «Parekamiendujcie mnie maršrut na 5 dzion pa Miechika» — pry hetym zapyty takoha typu składajuć pałovu ŭsich zvarotaŭ da pošukavikaŭ. Ale ŭ vypadku z Bing, abiacajuć raspracoŭščyki, niejrasietka adreahuje na taki zapyt i spasyłkami pa temie, i asensavanaj instrukcyjaj. Pakul što, kab całkam acanić Bing, treba zapisvacca ŭ list čakańnia, ale tut vy možacie pahladzieć prykłady taho, jak prahrama reahuje na zapyty.

Kali ž karystalniki buduć zadavać mienš kankretnyja pytańni, Bing budzie zadavać im dadatkovyja pytańni i sprabavać takim čynam vyjści na pravilny adkaz. Pošukavik ad Microsoft macniejšy i bolš raspracavany, čym ChatGPT. Naprykład, kali vas cikavić maršrut pa Miechika, Bing raskaža vam pra ceny i ŭvohule skancentrujecca na śviežaj infarmacyi, a ŭ kancy dašle vam hatovy maršrut na elektronnuju poštu. Jašče vy možacie zaŭvažyć, što Bing stavić spasyłki na krynicy, adkul biare infarmacyju dla svaich instrukcyj.

Kiraŭnik Microsoft Saćja Nadeła miarkuje, što hetaja technałohija źmienić «praktyčna kožnuju katehoryju prahramnaha zabieśpiačeńnia», a to i maje patencyjał źmianić uvieś internet. Na jaho dumku, lubaja kamunikacyja z kampjutaram u budučyni budzie prachodzić praz pasiarednika, i pošuk — pieršaja stadyja hetaha.

Nahadajem, što niadaŭna svajho kankurenta ChatGPT prezientavała karparacyja Google. Heta čat-bot Bard, i jon nie ŭbudavany ŭ pošuk Google dy jašče i spraŭlajecca nie z usimi zapytami. Takim čynam, Google moža adstać u honcy niejrasietak.

Pakul nie jasna, što heta ŭsio budzie aznačać dla budučyni internetu i dla anłajn-rekłamadaŭcaŭ, jakija atrymlivajuć hrošy za kliki pa ich spasyłkach. Mahčyma, takim čynam ludziam spatrebicca mienš klikaŭ, kab atrymać naležnuju infarmacyju, i adpaviedna rekłamadaŭcy buduć atrymlivać mienš hrošaj.

Niejrasietka ChatGPT užo chutka sutykniecca z bolš prasunutym kankurentam

Što takoje ChatGPT i čamu da jaho staviacca nieadnaznačna?

Google stvaryŭ niejrasietku MusicLM, jakaja moža hienieravać muzyku pa apisańni karystalnika

Kamientary3

  • Čotki.
    08.02.2023
    Drobnasoft zaŭsiody vałočycca ŭ chvaście prahresu. I ciapier budzie taksama.
  • dodo
    09.02.2023
    Čotki., U ich staŭka na chamiačkoŭ, a nie hikaŭ. A chamiačkam užo skazali, ŭ tym liku ŭ hetym artykule, što miełkamiahki pieramoh. Im hetaha dastatkova :)))
  • Siarhiej
    16.02.2023
    Tak, ja karystajusia Bing, i zadavoleny im.

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

Usie naviny →
Usie naviny

U Kałužskaj vobłaści paciarpieŭ krušeńnie viertalot Mi-28, ekipaž zahinuŭ2

Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny2

Chto toj chłopiec, jaki padarvaŭ rasijskaha aficera ŭ Maskvie i byŭ aryštavany ŭ Turcyi6

Džo Bajden: Ja pieradaju estafietu novamu pakaleńniu

«Raptam nie pryjšoŭ na pracu, a praz paru dzion jaho zatrymali». Novyja padrabiaznaści pra niemca, prysudžanaha da rasstrełu ŭ Biełarusi1

U Dobrušskim rajonie aśviacili chleŭ z karovami FOTAFAKT7

Biełarus nakarmiŭ vuža rybaj i źniaŭ praces na VIDEA1

U Lachavickim rajonie mužčyna chacieŭ spalić susiedski chleŭ, dy pamyliŭsia budynkam1

U Italii zatrymali biełarusa, abjaŭlenaha ŭ vyšuk na radzimie4

bolš čytanych navin
bolš łajkanych navin

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

Hałoŭnaje
Usie naviny →