U Mahilovie sudździa, jakoha zatrymali za chabar, zajmaŭsia seksam na pracoŭnym miescy
Namieśnik staršyni suda Kastryčnickaha rajona Mahamied Umaraŭ nie viedaŭ, što ŭ jaho pracoŭnym kabiniecie ŭstanoŭlena videanazirańnie.
Ciapier niekatoryja detali spravy źliła ŭ ŚMI krynica, blizkaja da materyjałaŭ rasśledavańnia.
Usiaho seksualnych kantaktaŭ śpiecsłužbistami było zafiksavana try. Siarod nieabyjakavych da ščodraha na łasku adžarca była i adna supracoŭnica suda. Jana taksama trapiła ŭ abjektyŭ videakamiery.
Paśla taho, jak stali viadomy pikantnyja padrabiaznaści pracoŭnych budniaŭ sudździ, usich supracoŭnic suda prymusili pisać tłumačalnyja zapiski — u jakich adnosinach jany znachodzilisia z aryštavanym Umaravym.
Paviedamlajecca, što videanazirańnie zafiksavała try epizody, adnosna jakich jość padazreńnie, što heta było atrymańnie ŭzhadanym sudździoj chabaru. Padčas apošniaha jon i byŭ zatrymany ŭ svaim kabiniecie. Hrošy ŭ pamiery 2700 dalaraŭ ZŠA tady prynios advakat Anatol Homanaŭ.
Zatrymańnie dla sudździ stała poŭnaj niečakanaściu. Supracoŭnikaŭ śpiecsłužby, jakija pravodzili zatrymańnie, jon abkłaŭ šmatpaviarchovym matam. U adpłatu za heta supracoŭniki KDB vyviali jaho ŭžo krychu «pamiataha» u kajdankach praz centralny ŭvachod, kab heta bačyli ŭsie kalehi. Pasiarednika, jaki, jak padazrajuć śledčyja, davaŭ chabar, paškadavali — vyvieli praz čorny chod.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary