У Магілёве суддзя, якога затрымалі за хабар, займаўся сэксам на працоўным месцы
Намеснік старшыні суда Кастрычніцкага раёна Магамед Умараў не ведаў, што ў яго працоўным кабінеце ўстаноўлена відэаназіранне.
Цяпер некаторыя дэталі справы зліла ў СМІ крыніца, блізкая да матэрыялаў расследавання.
Усяго сэксуальных кантактаў спецслужбістамі было зафіксавана тры. Сярод неабыякавых да шчодрага на ласку аджарца была і адна супрацоўніца суда. Яна таксама трапіла ў аб’ектыў відэакамеры.
Пасля таго, як сталі вядомы пікантныя падрабязнасці працоўных будняў суддзі, усіх супрацоўніц суда прымусілі пісаць тлумачальныя запіскі — у якіх адносінах яны знаходзіліся з арыштаваным Умаравым.
Паведамляецца, што відэаназіранне зафіксавала тры эпізоды, адносна якіх ёсць падазрэнне, што гэта было атрыманне ўзгаданым суддзёй хабару. Падчас апошняга ён і быў затрыманы ў сваім кабінеце. Грошы ў памеры 2700 даляраў ЗША тады прынёс адвакат Анатоль Гоманаў.
Затрыманне для суддзі стала поўнай нечаканасцю. Супрацоўнікаў спецслужбы, якія праводзілі затрыманне, ён абклаў шматпавярховым матам. У адплату за гэта супрацоўнікі КДБ вывялі яго ўжо крыху «памятага» у кайданках праз цэнтральны ўваход, каб гэта бачылі ўсе калегі. Пасярэдніка, які, як падазраюць следчыя, даваў хабар, пашкадавалі — вывелі праз чорны ход.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары