У Расіі дзяўчаты з'елі шпроты «За Родину» і трапілі ў рэанімацыю. Такія кансервы прадаюцца і ў Беларусі
У слоічку шпротаў з Калінінградскай вобласці быў батулізм.
Жыхаркі Екацярынбурга купілі на рынку слоічак шпротаў «За Родину» вытворчасці рыбзавода ў Калінінградскай вобласці. Неўзабаве яны адчулі сябе дрэнна і трапілі ў бальніцу.
Аказалася, жанчыны заразіліся батулізмам. У іх у крыві знайшлі батулатаксін, дакладна такі ж быў знойдзены ў слоічку шпротаў, паведамілі ў Расспажыўнаглядзе.
Стан пацярпелых ацэньваюць як цяжкі. Жанчыны, якія з'яўляюцца сваячкамі, расказалі, што купілі шпроты ў невядомага мужчына, які гандляваў з грузавіка. Цяпер яго шукаюць. Расспажыўнагляд таксама шукае іншыя слоічкі шпротаў «За Родину» з канкрэтнай датай вырабу — 13 верасня 2024 года.
Аналагічныя шпроты прадаюцца і ў беларускіх крамах. Так, у «Едастаўцы» шпроты «За Родину» можна купіць за 5 рублёў 49 капеек.
Каментары