Кірыл Вевель — чалавек з тэхнічнай адукацыяй, але адзначыўся напісаннем сцэнароў і музыкі. Цяпер яму пагражае да 12 гадоў калоніі.
Па звестках ініцыятывы Digital intelligence team, Кірылу Вевелю 40 гадоў. Ён родам з Барысава. Пасля школы скончыў Беларускі дзяржаўны ўніверсітэт.
Кірыл працаваў на розных заводах і прадпрыемствах, якія прадаюць прамысловую тэхніку. Таксама ён у 2015 годзе быў заснавальнікам невялікай кампаніі Грыфком-вектар, якая прадае камплектуючыя для канвеераў (закрылася ў 2021 годзе).
Кірыл піша музыку і сцэнары да фільмаў. Ён ёсць таксама ў рэестры нацыянальных праваўладальнікаў.
Кірыла затрымалі ў студзені 2024 года. Спачатку яму далі суткі за «дробнае хуліганства». Пасля, падобна, яго не выпусцілі і завялі крымінальную справу.
Суд над Кірылам пачынаецца 23 верасня 2024 года. Яго абвінавачваюць у «закліках да санкцый» (арт. 361 КК).
«Наша Нiва» — бастыён беларушчыны
ПАДТРЫМАЦЬШматдзетная маці Вольга Залатар выйшла на свабоду, цалкам адбыўшы чатырохгадовы тэрмін6
Каментары