«Мінскі кірмаш» адкрыецца ў выходныя: што там можна будзе купіць?
Свае тавары прадставяць вытворцы з розных рэгіёнаў краіны.
Найбуйнейшы сельскагаспадарчы кірмаш «Мінскі кірмаш», прымеркаваны да адкрыцця кірмашовага сезона ў сталіцы, разгорнецца на пляцоўцы каля Палаца спорту 21 і 22 верасня, піша Blizko.by.
Свае тавары тут прадставяць вытворцы з розных рэгіёнаў краіны. У продажы можна будзе знайсці мясную, малочную, плодаагароднінную, рыбную прадукцыю, бакалею, кандытарскія вырабы, саленні, мёд і многае іншае.
«Мінскі кірмаш» будзе працаваць з 11:00 да 19:00, а на ўрачыстым адкрыцці гасцей чакае канцэртная праграма. Дарэчы, на гэтай пляцоўцы 12—13 кастрычніка і 2—3 лістапада таксама запланаваны кірмашы.
Акрамя таго, у выходныя такі гандаль зноў разгорнецца на паркоўцы ля «Чыжоўкі-Арэны». Месцы для продажу сельгаспрадукцыі таксама вызначаны ва ўсіх раёнах горада.
Хто тая прафсаюзная актывістка з МАЗа, якая папрасіла Лукашэнку разабрацца ў ютубе з «беглымі»?16
Каментары