У Кыргызстане з 5 верасня змяняецца парадак рэгістрацыі грамадзян краін з бязвізавым рэжымам, да якіх належыць і Беларусь. Цяпер зарэгістравацца ў краіне будзе магчыма толькі на падставе ДНЖ або аднаго з пасведчанняў, паведамілі ў Міністэрстве лічбавага развіцця краіны.
Раней грамадзяне бязвізавых краін, у тым ліку Беларусі, маглі зарэгістравацца ў Кыргызстане на тэрмін 6 месяцаў з правам далейшага працягвання ў залежнасці ад мэты знаходжання.
З 5 верасня рэгістрацыя альбо яе працягванне магчымыя толькі на падставе дазволу на жыхарства, пасведчання асобы без грамадзянства, пасведчання «Кайрылман» (этнічныя кыргызы) або пасведчання «Мекен-карт» (іншаземцы, якія раней мелі грамадзянства Кыргызстана).
«Такім чынам, грамадзяне дзяржаў — членаў ЕАЭС (Арменія, Беларусь, Казахстан, Расія) без афармлення дакументаў могуць знаходзіцца сумарна да 90 дзён на працягу кожнага 180-дзённага перыяду з моманту ўезду ў краіну», — паведамілі ў ведамстве.
Пасля заканчэння гэтага тэрміну беларусы, якія не прайшлі рэгістрацыю, будуць абавязаныя выехаць за межы Кыргызстана і змогуць уехаць паўторна на тэрыторыю краіны толькі праз 90 каляндарных дзён.
Калі іншаземцы з бязвізавых краін знаходзяцца на тэрыторыі Кыргызстана ў прыватных мэтах, для іх прадугледжаныя афармленне і выдача часовага дазволу на жыхарства, які выдаецца на працягу 15 дзён з тэрмінам дзеяння на год з наступным штогадовым працягваннем, але не больш за 5 гадоў.
«Нам по**й. Калі па руках не дадуць за незаконнае затрыманне, можам і бабулю разам з імі закрыць»7
«Нам по**й. Калі па руках не дадуць за незаконнае затрыманне, можам і бабулю разам з імі закрыць»
Ці здасць Трамп Украіну Расіі? Чаму дэмакраты разгромленыя? Да чаго прывядзе кантроль рэспубліканцаў над выканаўчай і заканадаўчай уладай адначасова?8282
Каментары