Грамадства1414

Што азначае закрыццё рэкрутынгавага цэнтра палка Каліноўскага ў Варшаве?

Павел Кухта, начальнік арганізацыі ў Варшаве, праз якую набіралі беларускіх добраахвотнікаў, абвесціў аб яе закрыцці. Можна падумаць, што набор беларусаў у полк Каліноўскага спыняецца, але гэта не так.

Каліноўцы ўздымаюць нацыянальны беларускі сцяг. Фота: прэс-служба палка Каліноўскага

«Я, Павел Кухта, кіраўнік мабілізацыйнага цэнтра палка імя Кастуся Каліноўскага, вымушаны паведаміць, што рэкрутынгавы цэнтр у Варшаве больш не дзейнічае ў сувязі з рашэннем кіраўніцтва Інтэрнацыянальнага легіёна праводзіць рэкрутынг беларусаў праз іх уласную сістэму ва Украіне, — кажа ў звароце Кухта. — Мы са шкадаваннем прынялі гэтую навіну, бо наш цэнтр дазваляў беларусам хутка і бяспечна трапляць у полк Каліноўскага і праходзіць навучанне на ўласнай базе разам з іншымі беларусамі».

Якія будуць практычныя наступствы гэтага? Няўжо набор беларускіх добраахвотнікаў цалкам спыняецца? 

Суразмоўцы «Нашай Нівы», абазнаныя ў справах палка і блізкія да цяперашняга камандавання, кажуць, што прынцыпова не змяняецца нічога. Чат-бот палка працуе.

Пры заходзе на сайт палка Каліноўскага можна ўбачыць кнопку «рэкрутам», якая вядзе на тэлеграм-бот, у якім ахвотным раскажуць пра алгарытм дзеянняў для праезду ва Украіну і ўступлення ў Інтэрнацыянальны легіён, да якога належыць і полк імя Кастуся Каліноўскага. 

Адтуль чалавек будзе размеркаваны ў беларускае падраздзяленне. 

«Часы змяніліся. Вялікага сэнсу ў пасярэдніках у Варшаве няма, беларускае падраздзяленне падпарадкаванае ўкраінскаму камандаванню, і ўся тая падрыхтоўчая работа, якая праводзілася ў Варшаве, можа і будзе праводзіцца ва Украіне, дзе і ідзе вайна», — з такім меркаваннем салідарызуюцца апытаныя намі байцы. 

Людзі таксама кажуць, што цэнтр у Варшаве можна было б і не разганяць, але гэта ўсё наступствы барацьбы за ўладу ўнутры арганізацыі. Маўляў, Павел Кухта больш лаяльны папярэдняму кіраўніцтву, і тое, што з ім не знайшлі агульнай мовы новыя начальнікі — справа лагічная.

Тэлеграм-канал палка, у якім было апублікавана паведамленне Кухты, па сцверджаннях цяперашніх і былых байцоў, кантралюецца адхіленымі ад камандавання людзьмі — Міколам Дземідзенкам і Арцёмам «Ванішам» Войнічам. 

Рэкрутынгавы цэнтр у Варшаве сыграў ролю ў 2022 годзе, калі масы актыўных беларусаў, якія аказаліся ў эміграцыі і хацелі дапамагчы Украіне ваяваць з расійскім фашызмам, маглі цэнтралізавана, групамі, з аднаго месца выязджаць ва Украіну. Прайшоўшы пры гэтым базавую медыцынскую і іншую падрыхтоўку ў час чакання дазволу на ўезд. 

Цяпер жа дазволы на ўезд будуць выдавацца праз дыпламатычныя ўстановы Украіны ў індывідуальным парадку, сыходзячы з вынікаў сумоўя. 

Каментары14

  • Павло
    02.08.2024
    Ахаха дзіва дзіўнае, а не журналісты
  • Avenged Sevenfold
    02.08.2024
    «Цяпер жа дазволы на ўезд будуць выдавацца праз дыпламатычныя ўстановы Украіны ў індывідуальным парадку, сыходзячы з вынікаў сумоўя. »

    Хіба ўжо бязвіз адмянілі для замежнікаў?
    Заехаў ды рэкрутуйся на месцы.
  • Кастусь
    02.08.2024
    Avenged Sevenfold, тебя с бссровским пачпортом никто не пустит в Украину))

Латушка — Лукашэнку: Я гатовы ўдзельнічаць у выбарах-2025 годзе, але ты — баязлівец і шулер27

Латушка — Лукашэнку: Я гатовы ўдзельнічаць у выбарах-2025 годзе, але ты — баязлівец і шулер

Усе навіны →
Усе навіны

Кейт Мідлтан завяршыла хіміятэрапію1

Вялікія Аўцюкі на Палессі пацярпелі ад моцнага пажару1

Германія аднаўляе кантроль на ўсіх сухапутных межах з-за мігрантаў5

Стала вядома, колькі каштуе стварэнне беларускага ютуба5

Лукашэнка забараніў служыць у МУС беларусам, у якіх ёсць іншае грамадзянства, і пашырыў сілавікам сацпакет11

На Альманскіх балотах буйны пажар: гараць 50 гектараў лесу і балот, задзейнічалі авіяцыю5

У Віцебску правялі падводныя раскопкі і тое-сёе знайшлі

«Замяталін напіўся на «Беларусьфільме» і пачаў страляць з пісталета». Латушка расказаў, як змог звольніць ідэолага15

У Расіі разбіўся самалёт-амфібія, які быў выпушчаны ў адзіным экзэмпляры

больш чытаных навін
больш лайканых навін

Латушка — Лукашэнку: Я гатовы ўдзельнічаць у выбарах-2025 годзе, але ты — баязлівец і шулер27

Латушка — Лукашэнку: Я гатовы ўдзельнічаць у выбарах-2025 годзе, але ты — баязлівец і шулер

Галоўнае
Усе навіны →