Свет1212

Венесуэльскі дыктатар Мадура выклікаў Маска на паядынак. Той пагадзіўся і паставіў умовы

Усё пачалося з таго, што мільярдэр не прызнаў вынікаў сфальсіфікаваных выбараў у Венесуэле.

Венесуэльскі дыктатар Нікалас Мадура і амерыканскі мільярдэр Ілан Маск. Фота: Matias Delacroix / AP, Dimitrios Kambouris / Getty Images

Венесуэльскі дыктатар Нікалас Мадура абвясціў мільярдэра Ілана Маска сваім «новым заклятым ворагам» і выклікаў таго на паядынак. 

«Я не баюся цябе, Ілан Маск. Давай біцца там, дзе захочаш», — агучыў свой выклік Мадура падчас выступлення на нацыянальным тэлебачанні, перадае выданне New York Post.

Гэтая рэакцыя Мадура адбылася ўслед за публікацыяй Маска ў твітары (X), дзе той абвінаваціў венесуэльскага дыктатара ў «пакутах і смерцях венесуэльскага народа» і заклікаў яго пайсці з прэзідэнцкай пасады.

На сам выклік на паядынак ад Мадура Маск пазней адказаў згодай. Мільярдэр паставіў умову, што калі ў бойцы пераможа ён, то Мадура пакіне ўладу ў Венесуэле, а калі пераможа Мадура, то Маск падорыць палітыку бясплатны білет на Марс.

Нагадаем, што масавыя пратэсты ахапілі Венесуэлу пасля нібыта перамогі цяперашняга кіраўніка краіны Нікаласа Мадура на нядзельных прэзідэнцкіх выбарах (таго ўжо паспяшаўся павіншаваць Аляксандр Лукашэнка).

Улады краіны пасля заканчэння галасавання абвясцілі, што за Мадура прагаласаваў, маўляў, 51% выбаршчыкаў. У той жа час незалежныя апытанні давалі 60% галасоў ягонаму суперніку Эдмунда Гансалесу Уруціа.

Дэманстранты па ўсёй краіне патрабуюць адстаўкі Мадура, перакрываюць рух транспарту.

Цяперашнія пратэсты супраць вынікаў выбараў у Венесуэле. Фота: Matias Delacroix / AP

На вуліцах, у тым ліку ў Каракасе, апазіцыянеры ладзяць маршы, у асобных гарадах спрабуюць прарвацца на выбарчыя ўчасткі і зрываюць плакаты з Мадура на рэкламных шчытах. У сталіцы тысячы пратэстоўцаў селі на матацыклы і займаюць дарогі.

Тым часам Венесуэла адклікае сваіх дыпламатаў з краін, якія не прызналі выбары: Аргенціна, Чылі, Перу, Коста-Рыка, Панама, Дамініканская Рэспубліка і Уругвай.

Каментары12

  • Рокі
    31.07.2024
    Сіняпалы супраць абкуранага. Во гэта будзе шоў!
  • Д'артаньян
    31.07.2024
    Як будуць біцца? На шпагах ці на пісталетах?
  • Саша
    31.07.2024
    Хай бы нашаму даў квіток на Марс

Дзяйкала: Наша сітуацыя не цягне на Міжнародны трыбунал у Гаазе. Важна, каб працэс над Лукашэнкам адбыўся ў Мінску1

Дзяйкала: Наша сітуацыя не цягне на Міжнародны трыбунал у Гаазе. Важна, каб працэс над Лукашэнкам адбыўся ў Мінску

Усе навіны →
Усе навіны

Пазняк: Вызваленне Паліны Шарэнды-Панасюк — гэта гучнае сведчанне аб гатоўнасці да перамоваў з Еўрасаюзам128

«Колькі павінен зарабляць хлопец у Мінску, каб сустракацца з вамі?» Скандал вакол вулічнага апытання90

Беларускага байца ММА ў Польшчы абвінавачваюць у збіцці. Яму пагражае да 20 гадоў2

«Каб апынуцца ў бамбасховішчы, у цябе 6 секунд». Беларуска распавяла пра валанцёрства ў Ізраілі, у тым ліку побач з Газай10

Тварожная запяканка з яблыкамі — рэцэпт2

Чацвертая кніга з серыі пра Гары Потэра пабачыла свет1

Ад сёння на 10 месяцаў закрыўся мост з вуліцы Маскоўскай да плошчы Незалежнасці. Як будзе аб'язджаць звычайны і грамадскі транспарт?

Зяленскі: Паўночнакарэйскія войскі вярнуліся на лінію фронту2

Apple можа здаць прыватныя даныя ўсіх сваіх карыстальнікаў у свеце спецслужбам Вялікабрытаніі. Гэта можа стаць небяспечным прэцэдэнтам4

больш чытаных навін
больш лайканых навін

Дзяйкала: Наша сітуацыя не цягне на Міжнародны трыбунал у Гаазе. Важна, каб працэс над Лукашэнкам адбыўся ў Мінску1

Дзяйкала: Наша сітуацыя не цягне на Міжнародны трыбунал у Гаазе. Важна, каб працэс над Лукашэнкам адбыўся ў Мінску

Галоўнае
Усе навіны →

Заўвага:

 

 

 

 

Закрыць Паведаміць