На Алімпіяду ад Беларусі едзе мінімальная ў гісторыі колькасць удзельнікаў — 17 чалавек
Сёння быў зацверджаны беларускі склад удзельнікаў на Алімпійскія Гульні ў Парыжы.
16 ліпеня ў штаб-кватэры Нацыянальнага алімпійскага камітэта адбылося пасяджэнне выканкама, на якім зацвердзілі склад спартоўцаў і асоб, якія іх будуць супрацваджаць, на Алімпійскія гульні ў Парыжы, паведамляе тэлеграм-канал НАК.
Спартоўцаў едзе ўсяго 17 чалавек, яны выступяць у дзевяці відах спорту: у веласпорце (шашы), акадэмічным веславанні, плаванні, кулявой стральбе, скачках на батуце, грэка-рымскай барацьбе, веславанні на байдарках, таэквандо і цяжкай атлетыцы:
Барацьба грэка-рымская
1. Абубакар Хаслаханаў
Барацьба вольная
2. Магамедхабіб Кадзімагамедаў
Веласпорт
3. Ганна Церах
Веславанне акадэмічнае
4. Яўген Залаты
5. Таццяна Клімовіч
Веславанне на байдарках і каноэ
6. Уладзіслаў Кравец
7. Юлія Трушкіна
Плаванне
8. Ілля Шымановіч
9. Анастасія Шкурдай
10. Аліна Змушко
Скачкі на батуце
11. Віялета Бардзілоўская
12. Іван Літвіновіч
Стральба кулявая
13. Дар'я Чупрыс
14. Аляксандра Пятрова
Таэквандо
15. Георгій Гурцыеў
Цяжкая атлетыка
16. Сюзана Валадзько
17. Яўген Ціханцоў
У Парыжы спартсменаў будуць суправаджаць трэнеры, медыцынскі і адміністрацыйны персанал.
Такім чынам ад Беларусі на Летнюю Алімпіяду, што пройдзе ў сталіцы Францыі з 26 ліпеня па 11 жніўня, мінімальная з 1996 года, калі наша краіна стала выступаць асобнай камандай, колькасць удзельнікаў.
Так у Токіа-2021 бралі ўдзел 108 беларускіх атлетаў, што заваявалі таксама мінімальную за ўвесь час колькасць медалёў — сем узнагародаў (адно золата, тры сярэбраныя і тры бронзавыя медалі). Золата заваяваў батутыст Іван Літвіновіч.
На Алімпіядзе ў Рыа-дэ-Жанейра ў 2016 годзе ўдзельнічалі 124 беларускія спартоўцы, якія прывезлі дзевяць узнагародаў (1+4+4).
Літва дасылае 23 спартоўцаў, Латвія — 29, Эстонія — 25.
Каментары