Замест Booking: на беларускі рынак арэнды кватэр прыйшоў буйны расійскі гулец
На беларускі рынак арэнды кватэр прыйшла расійская кампанія «Суточно.ру». У расійскім сэрвісе з'явіліся прапановы па сутачнай арэндзе ў Мінску і іншых гарадах Беларусі. Цэны на партале прадстаўленыя ў расійскіх рублях.
![](http://d3kcf2pe5t7rrb.cloudfront.net/img/w840d4webp1/photos/z_2021_10/dom-pyuns.jpg.webp)
Так, на найбліжэйшыя дні студыя ў «Мінск-Свеце» каштуе 4100 расійскіх рублёў (46 даляраў) за дзень, студыю каля «Дана Мол» на Усходзе можна зняць за 5454 рублі (61 даляр) за дзень.
У Беларусі дапамогу ў арэндзе кватэр на суткі прапануюць мясцовыя сэрвісы «Куфар. Нерухомасць» і Realt, а таксама расійскі «Островок».
Міжнародныя сэрвісы Booking.com і Airbnb.com пайшлі з беларускага рынку ў 2022 годзе пасля пачатку поўнамаштабнай вайны Расіі супраць Украіны.
Сэрвіс «Суточно.ру» запусцілі ва Ульянаўску ў 2011 годзе. Пасля пакідання рынку міжнароднымі кампаніямі ён з'яўляецца самым папулярным у сваім сегменце ў Расіі.
Якімі кватэрамі і аўто валодае бізнэсмен Аляксей Алексін, набліжаны да Лукашэнкі
Латушка расказаў, як Лукашэнка вырашае жыллёвыя праблемы набліжаных да яго асоб, і ці скарыстаўся ён з гэтых магчымасцяў сам
«Гэта слёзы». Тур падлічыў, колькі дзяржава заробіць на канфіскацыі маёмасці беларусаў, якія з'ехалі з краіны
У Беларусі растуць цэны на нерухомасць. Хто купляе?
Каментары