Усяго патроху

Самага старога сабаку ў свеце пазбавілі тытула. Ёсць трывалае падазрэнне, што ён нашмат маладзейшы

Раней пісалася, што ён памёр, пражыўшы 31 год, на восем гадоў перажыўшы іншага сабаку.

Бобі і яго гаспадар. Фота: Jorge Jeronimo / AP

Партугальскі сабака Бобі, самы стары сабака ў свеце, пазбаўлены звання да завяршэння расследавання. Сабака трапіў у Кнігу рэкордаў Гінеса ў лютым 2023 года — тады яму было 30 гадоў і 268 дзён. Ва ўзросце 31 года і 163 дзён Бобі памёр, піша Postimees.ee.

«Мы вырашылі часова прыпыніць прысваенне тытулаў «найстарэйшаму з сабак» — да таго часу, пакуль не апублікуем вынікі расследавання», — паведамілі ў Кнізе рэкордаў Гінеса.

Сумневы ў сапраўднасці рэкорду паўсталі з-за фатаграфій, нібыта зробленых у маладосці Бобі. На здымках у сабакі белыя лапы, а ў больш сталым узросце лапы чамусьці сталі карычневымі.

Бобі быў зарэгістраваны ў базе даных хатніх жывёл Партугаліі ў 2022 годзе, за паўтара года да сваёй смерці. Дату нараджэння пацвердзілі дзяржаўная база звестак хатніх жывёл і Нацыянальны саюз ветэрынараў. Гаспадар Бобі сцвярджаў, што сабака нарадзіўся ў 1992 годзе, але супрацоўнік базы звестак заявіў, што ў арганізацыі «няма даных, якія маглі б пацвердзіць або абвергнуць гэта сцвярджэнне».

Відавочна, прычынай рэкорду стала кепская праверка фактаў. З іншага боку, сістэма рэгістрацыі сабак, народжаных да 2008 года, стала абавязковай у Партугаліі толькі ў кастрычніку 2020 года.

Магчыма, Бобі сапраўды нарадзіўся ў 1992 годзе, але ў яго ўладальніка адсутнічалі дакументы, якія пацвярджаюць гэты факт.

Пасля расследавання Кнігі рэкордаў тытул найстарэйшага з цяперашніх сабак можа вярнуцца да Спайка, чыхуахуа з ЗША, які год таму трапіў у ганаровы спіс ва ўзросце 23 гадоў.

Аднак гаспадыні Спайка нядаўна паведамілі, што арганізацыя пераглядае метады праверкі рэкордаў узросту жывёл, таму ёй давядзецца пацвердзіць рэкорд у новага ветэрынара.

Да з'яўлення Бобі рэйтынг самых старых сабак за ўсю гісторыю ўзначальваў аўстралійскі пастуховы сабака Блю, які пражыў 29 гадоў 160 дзён і памёр у далёкім 1939 годзе.

Каментары

Якімі будуць выбары 2025 года? Разважаюць Вячорка, Латушка і Шрайбман20

Якімі будуць выбары 2025 года? Разважаюць Вячорка, Латушка і Шрайбман

Усе навіны →
Усе навіны

Названыя найлепшыя гульцы Еўра-2024, малады футбаліст і гулец фіналу

Памёр беларускі кампазітар Леанід Гуцін

Іспанія чацверты раз у гісторыі выйграла Еўра — і гэта рэкорд ВІДЭА6

Бізнэсоўцу і кіраўніка рэспубліканскага турыстычнага саюза асудзілі за супрацу з літоўскімі спецслужбамі 3

Яшчэ адна ахвяра шторму — дрэва забіла хлопчыка пад Рэчыцай

Стала вядома асоба чалавека, якога застрэлілі на мітынгу Трампа1

Ярмошына расказала, каго дапусцяць да ўдзелу ў выбарах-202520

Ярмошына пра Ціханоўскую: Проста прадаўшчыца на фоне Караткевіч у 2015-м46

Што змяняе замах на Трампа?4

больш чытаных навін
больш лайканых навін

Якімі будуць выбары 2025 года? Разважаюць Вячорка, Латушка і Шрайбман20

Якімі будуць выбары 2025 года? Разважаюць Вячорка, Латушка і Шрайбман

Галоўнае
Усе навіны →