Актывіста перавялі на турэмны рэжым тэрмінам на адзін год.
Яго новы адрас: 230023, г. Гродна, вул. Кірава, 1. Турма-1.
Паўла Вінаградава затрымалі роўна два гады таму, 22 снежня 2021 года, у сябе дома ў Беразіне. Ён стаў фігурантам крымінальнай справы па арт. 130 (распальванне сацыяльнай варожасці), ч. 2 арт. 367 (паклёп на Лукашэнку) і арт. 342 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх).
16 сакавіка 2022 года яго асудзілі на пяць гадоў зняволення.
Улетку 2022 года ў Паўла дыягнаставалі сухоты, ён схуднеў на 36 кг. У сярэдзіне лютага 2023 г. стала вядома, што Павел вылечыўся ад сухотаў і яго вярнулі назад у ваўкавыскую калонію.
У лістападзе 2023 г. стала вядома, што Павел паўгода прасядзеў у ШІЗА.
Павел раней ужо быў палітвязнем. У 2008 годзе быў фігурантам «Справы чатырнаццаці», заведзенай за ўдзел у мітынгу прадпрымальнікаў, асуджаны на 2 гады абмежавання волі без накіравання ў папраўчую ўстанову.
Пасля акцыі пратэсту супраць фальсіфікацыі вынікаў выбараў арыштаваны 5 студзеня 2011 года. Абвінавачаны ў арганізацыі масавых беспарадкаў і ўдзеле ў іх, а таксама ў знявазе дзяржаўных сімвалаў. 5 мая 2011 года асудзілі яго на 4 гады зняволення ў калоніі ўзмоцненага рэжыму.
Вялікая гутарка з Алінай Коўшык — пра інтэрв’ю з Падсасонным, скандал з Кулеем і рэформы на «Белсаце»1
Каментары