Кіно33

Клінт Іствуд, Фантамас і робат Ары загавораць па-беларуску

Гэтым летам CineVoka, праект па агучванні сусветнага кіно на беларускую мову, выпусціць некалькі навінак. Класіка французскага кіно, паўднёвакарэйская драма, спагеці-вестэрны, фільмы для ўсёй сям'і і многае іншае будзе выходзіць на працягу двух месяцаў па пятніцах на відэасэрвісе Voka, паведамляе сайт «Беларусь і свет».

У адпаведным раздзеле на платформе ўжо сабрана больш за 50 фільмаў і серыялаў у беларускім дубляжы, і гэтая эксклюзіўная калекцыя пастаянна абнаўляецца. Толькі за найбліжэйшы месяц відэасэрвіс прэзентуе яшчэ восем фільмаў.

Першымі навінкамі чэрвеня сталі тры спагеці-вестэрны Серджа Леонэ з Клінтам Іствудам — «За жменю даляраў», «На некалькі даляраў больш» і «Добры, дрэнны, злы». Музыку да іх напісаў Эніа Марыконэ. Уся трылогія ўжо даступная на Voka.

Па-беларуску загаворыць і няўлоўны злачынца Фантамас з першага фільма аднайменнай трылогіі пра неверагодныя прыгоды камісара Жува. Ягоная прэм'ера на відэасэрвісе адбудзецца 23 чэрвеня.

Далей, 30 чэрвеня, на платформе выйдзе «Робат Ары». Гэта фільм для ўсёй сям'і пра падлетка, які перашкаджае злоснай карпарацыі ператварыць сябра-робата ў страшную зброю.

Фанаты паўднёвакарэйскага кіно, якое набірае папулярнасць, змогуць паглядзець у беларускім агучванні драму «Заўсёды» пра каханне баксёра і сляпой дзяўчыны. Фільм выйдзе на Voka 7 ліпеня.

Нарэшце, 14 і 21 ліпеня будзе прэзентавана яшчэ пару навінак для сямейнага прагляду: камедыя «Джоўі і Эла» пра пошукі кенгуру, які гаворыць, і незвычайнага алмаза, а таксама трэцяя частка вядомай франшызы «Дапамажыце, я паменшыў сваіх сяброў».

Каментары3

  • mikola
    20.06.2023
    Nima sto rabic ? Kolki iosc cikavyh ruskih Fimau ! Jakija Seryjaly !
  • АндрэйК
    20.06.2023
    Оо, фантамаса я б паглядзеў
  • Глядач
    20.06.2023
    Шкада, што за мяжой зрабілі недаступнымі. Прычым менавіта беларускую агучку, рускую глядзі - не хачу

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне20

Польшча распачала паляванне на кампаніі, якія абыходзяць санкцыі супраць Беларусі і Расіі1

Лукашэнка загадаў адпраўляць на ліквідацыю наступстваў урагану палітзняволеных18

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →