Грамадства44

«Народу забараняюць гаварыць, каб ператварыць у статак. Але гэта наш абавязак, бо мы ўратаваліся, а людзі за кратамі»

У Беластоку Дзень салідарнасці з беларускімі палітвязнямі правялі ля беларускага консульства. Акцыя сабрала больш за сто чалавек. Нямала ўдзельнікаў прыйшло на яе сем'ямі.

Дзень салідарнасці з беларускімі палітвязнямі ў Беластоку

Пляцоўка перад консульствам на вуліцы Электрычнай, якую беларуская дыяспара спрабавала перайменаваць у вуліцу «Вольнай Беларусі», ужо даўно стала месцам правядзення пратэстаў супраць рэпрэсій на радзіме. Адсюль не прыбіраецца беларуская сімволіка.

Беласток. 21 мая. Удзельнікі акцыі салідарнасці з беларускімі палітвязнямі

Вуліца Электрычная ў цэнтры Беластока ў звычайныя дні малалюдная. Сёння, у Дзень салідарнасці з беларускімі палітвязнямі, яе запаланілі беларусы.

«Цяпер, каб патрапіць пад увагу карных органаў, трэба ўсяго толькі пакінуць каментарый або паставіць падабайку пад непажаданым для ўладаў пастом у інтэрнэце…» — гучаў на акцыі напамін пра сітуацыю ў Беларусі.

Вуліца Электрычная ў Беластоку ў Дзень салідарнасці з беларускімі палітвязнямі

Удзельнікі акцыі на ходніках паабапал праезнай часткі ўтварылі два ланцугі. Над імі луналі бела-чырвона-белыя сцягі. Людзі трымалі мноства партрэтаў зняволеных землякоў.

Цэнтральнае месца на найвялікшым плакаце займаў партрэт загінулага ў шклоўскай калоніі Вітольда Ашурка.

На найвялікшым плакаце акцыі салідарнасці ў Беластоку цэнтральнае месца адведзенае Вітольду Ашурку

Адна з выступоўцаў, Вольга Верамеенка, эмацыйна расказвае гісторыю знаёмства з палітвязнем і ліставанне з ім. У адным з апошніх допісаў ён паведаміў ёй пра жоўтыя біркі, якія вешаюць на палітзняволеных.

Ашурка жанчына называе нязломным рыцарам і сімвалам, якімі зʼяўляюцца ўсе палітвязні.

«Я хацела б, каб больш ні пра каго са сваіх сяброў, наогул пра беларусаў, не прыйшлося распавядаць з такой дрыготкай у голасе і каб сэрцы нашы больш не разрываліся. А тыя пачвары, якія катуюць беларусаў і забіваюць іх за кратамі, хай ведаюць, што іх імёны вядомыя. Беларусь жыве, Вітольд жыве. Героі не паміраюць», — прамаўляла Вольга.

На акцыі было шмат моладзі.

Удзельнікі акцыі салідарнасці ў Беластоку абачліва прыкрываюцца плакатамі, каб не быць выкрытымі беларускімі спецслужбамі

Адзін з удзельнікаў акцыі кажа, што далучыўся да яе, бо яго землякі на радзіме такой магчымасці пазбаўленыя.

«Даражэйшае за свабоду не можа быць нічога, а ў Беларусі няма свабоды. Іншадумства забароненае. Наступствам гэтага можа быць знішчэнне беларускага народа, бо калі забараняюць гаварыць, думаць, то народ ператвараецца ў статак. Мы прыйшлі, каб заявіць, што беларусы не сталі статкам, а застаюцца свабоднымі людзьмі», — даводзіць мужчына.

Акцыя салідарнасці з беларускімі палітвязнямі ў Беластоку

Яшчэ адна ўдзельніца перакананая, што нават удалечыні ад радзімы не трэба забываць, што дзеецца там.

«Цяпер кожны з нас — палітвязень, — кажа яна. — У Беларусі зняволеным можна аказацца ў адзін момант. Мы тут голас палітвязняў».

Наступная суразмоўніца ўпэўненая:

«Палітвязні павінны быць вызваленыя».

«Мы мусім увесь час пра іх напамінаць. Гэта наш абавязак. Без гэтага наша жыццё тут пазбаўленае сэнсу. Мы ўратаваліся, а яны застаюцца за кратамі», — адзначае жанчына.

Журналіст Ян Роман нагадвае пра зняволеных журналістаў. Іх за кратамі больш за тры дзясяткі.

Беласток. 21 мая. Дзень салідарнасці з беларускімі палітвязнямі

Выступовец напамінае, што 26 мая адбудзецца разгляд апеляцыі Андрэя Пачобута, асуджанага рэжымам Лукашэнкі на 8 гадоў пазбаўлення волі. У гэты дзень ля беларускага консульства ў Беластоку таксама адбудзецца акцыя салідарнасці з палітвязнямі.

Ян Роман кажа, што пагалоска ад такіх акцыяў даходзіць да зняволеных. Пра тое ён ведае ад самога Андрэя Пачобута.

«Колькасць журналістаў за кратамі паказвае, наколькі рэжым баіцца вольнага слова і помсціць за гэта…» — даводзіць у выступе журналіст.

Ля беларускага консульства казалі пра неабходнасць прыняцця ў вольнай Беларусі закона аб люстрацыі, які засцеражэ ў будучым краіну ад паўтарэння сённяшніх памылак.

У прамовах гучала, што варта захоўваць аптымізм. Мінулыя гады прынеслі і станоўчыя дасягненні:

«Паўнавартасна адроджаная нацыянальная сімволіка. Усе ведаюць, які сцяг і герб ёсць нацыянальнымі. Надыходзіць час адраджэння мовы, культуры і гісторыі. Таму глядзім у будучыню з аптымізмам. Не складаем рукі і робім маленькія справы, якімі мы можам набліжаць вызваленне», — кажа праваабаронца і журналіст Уладзімір Хільмановіч.

Акцыя салідарнасці з беларускімі палітвязнямі ў Беластоку. 21 мая

21 мая акцыі ў падтрымку беларускіх палітвязняў праходзяць па ўсім свеце. Праваабаронцы абвясцілі дзень смерці Вітольда Ашурка Днём салідарнасці з беларускімі палітвязнямі. Цяпер за кратамі, паводле праваабарончага цэнтра «Вясна», у жудасных умовах утрымліваюцца не менш за 1525 палітзняволеных.

«Наша Нiва» — бастыён беларушчыны

ПАДТРЫМАЦЬ

Глядзі таксама:

Колькі палітвязняў памерла ці звяло рахункі з жыццём праз невыносныя ўмовы за кратамі

Як можна заданаціць і падтрымаць палітвязняў: спіс арганізацый

2 291 чалавека праваабаронцы прызналі палітычным зняволеным. «Вясна» прыводзіць лічбы трох гадоў палітычных рэпрэсій

«Мне падабалася партызаніць». Былы палітвязень з Дзяржынска расказаў аб сваёй дзейнасці, а пасля прэс-хаце і прэсаўшчыках

Каментары4

  • Злы беларус
    21.05.2023
    Фиаско. Кому это надо...зеваки...
  • Зброя. Народ. Воля.
    21.05.2023
    Гаварыць мы будзем.
  • Прафесар Прэабражэнскі
    22.05.2023
    А мы прадалжаем гаварыць, мы гаворым паміж сабой усё роўна і мы бачым, што ябацькі-халуі ў стане панікі бо разумеюць, што "колькі вяроўцы ня віцца, а ёй усё роўна канец" і іх насамрэч дужа ня шмат.

Што вядома пра грамадзяніна Германіі Рыка Крыгера, якому ў Беларусі прысудзілі расстрэл2

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Прыбытак КамАЗа абваліўся ў 20 разоў

Банкі зніжаюць прыбытковасць па валютных дэпазітах да 0,1%. Тлумачым матэматыку9

Чарговая ганьба беларускага футбола. «Іслач» вылецела з еўракубкаў, прайграўшы камандзе з Сан-Марына8

Рыжанкоў: Для Літвы галоўнае — забіць любыя зародкі ліцвінізму10

Святлана Ціханоўская сустрэлася з Эмануэлем Макронам12

Экс-прэм'ер Сяргей Румас з'явіўся на пахаванні Вергеенкі ФОТАФАКТ6

Рыжанкоў: У мяне і бабуля, і мама былі чыстымі полькамі52

Пуцін прапанаваў Ірану рэкордныя аб'ёмы расійскага газу са зніжкай 75%5

Лідар чэмпіянату Беларусі вылецеў з нятопавага еўракубка ўжо на першай стадыі кваліфікацыі

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл2

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →