Вайна99

«Усіх заб’ём, каго трэба, абрабуем. З Богам». Хто такі Уладлен Татарскі, якога падарвалі ў піцерскай кавярні

Прапагандыст вайны Уладлен Татарскі, якога забілі падчас яго творчага вечара ў кавярні Санкт-Пецярбурга, — былы крымінальнік, рабаўнік. Гэты ваенкар вызначаўся нават на фоне агалцелай расійскай прапаганды.

Владлен татарский
Уладлен Татарскі. Фота: яго тэлеграм-канал

Уладлен Татарскі — гэта псеўданім расійскага блогера з батальёна «Усход» і ваеннага карэспандэнта Максіма Фаміна, які ўслаўляў агрэсію Расіі супраць Украіны.

Ён запісваў відэаролікі з «аналізам» вайны і даваў парады мабілізаваным расіянам. Быў сярод запрошаных на выступленне Пуціна з нагоды далучэння Луганскай, Данецкай, Херсонскай і Запарожскай абласцей.

У адным з ролікаў, запісаным летась у верасні, акурат пасля таго пуцінскага выступлення, ён заявіў, што «ўсіх пераможам, усіх заб’ём, усіх, каго трэба, абрабуем, і ўсё будзе, як мы любім, з Богам».

А ўчора ваенкар не хаваў радасці ад паведамлення аб смерці беларускага добраахвотніка.

Татарскаму было 40 гадоў. Па яго словах, нарадзіўся ён і ўсё жыццё пражыў у Макееўцы, на Данбасе. Гаварыў, што яго бацька — «рускі патрыёт, звычайны шахцёр» і выхоўваў яго ў патрыятычным духу. Ён у дзяцінстве рабіў «дробныя дысідэнцкія выхадкі на ўроках украінскай мовы».

Татарскі казаў, што займаўся бізнэсам, пакуль яго не пасадзілі за рабаванне банка. У 2014 годзе ўцёк з турмы і далучыўся да прарасійскага апалчэння.

Потым яго зноў пасадзілі, бо юрыдычных падстаў для вызвалення не было. Потым ён быў памілаваны і адслужыў па кантракце. У 2019-м звольніўся і заняўся блогерскай дзейнасцю, паехаў працаваць у Маскву. Калі пачалася поўнамаштабная вайна, стаў яе апяваць.

Уладлен Татарскі. Фота: business-gazeta.ru

Пра свае ўцёкі з турмы напісаў кнігу, якую выдаў, калі жыў у Маскве. Нядаўна выйшла яшчэ адна яго кніга — зборнік апавяданняў «Медытацыя».

Татарскі лічыў, што «Украіна як дзяржава ў цяперашнім выглядзе павінна быць знішчана».

«Якому нармальнаму чалавеку з Украіны, калі ён пераехаў у РФ захочацца вучыць ўкраінскую мову? І галоўнае: для чаго? Чытаць Шаўчэнку ў арыгінале? Гэта смешна ж. Вывучаць (не гаварыць на суржыку, а менавіта вывучаць ўкраінскую мову) захочуць толькі яшчэ не выяўленыя ФСБ агенты ГУР і СБУ», — пісаў Татарскі.

Ваенкар прызнаваўся, што не чакаў ад Украіны супраціву. Ëн заклікаў да бязлітасных бамбёжак.

«Калі б мы ў першы дзень пахавалі ў казармах Украіны 10 тысяч украінскіх салдат, то яны былі б на перамовах згаворлівымі, гэта б дэмаралізавала мацней», — заяўляў Татарскі ў адным з інтэрв'ю.

Уладлена Татарскага забіла 2 красавіка выбухам ў кафэ Street Food Bar №1 у Санкт-Пецярбургу. Там ён выступаў з лекцыяй пра тое, як «весці рэпартажы з гарачых пунктаў» і «што такое быць ваенкарам».

Сустрэча з Татарскім была арганізаваная дыскусійным клубам «Кібер Фронт Z». У ліпені 2022 года уладальнік ПВК «Вагнер» Яўген Прыгожын казаў, што Street Food Bar №1 належыць яго кампаніі «Канкорд».

Каментары9

  • Рэальнасьць
    02.04.2023
    Хто ад мяча жыве, той ад мяча й загіне. Што чалавек пасее, тое й пажне.
  • Мангол
    02.04.2023
    [Рэд. выдалена]
  • Ян Севярын Бакей
    03.04.2023
    сам сабе думаю - як жа добра жылося б на сьвеце, каб кАрма была няўхільная і хуткая заўсёды...

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Зніклага ў Польшчы беларуса знайшлі ў Варшаве збітым і без дакументаў9

«Вада пранікла ўнутр, запоўніла салон мне па пояс, рукі трэсліся». Хто тая дзяўчына з запамінальнага фота мінскага патопу3

У Беларусі пачалася перадвыбарчая агітацыя за Лукашэнку ФОТАФАКТ31

Сусветныя цэны на каву б'юць рэкорды. Кошт вашага латэ пад пагрозай5

Ватыкан прызначыў лідскага ксяндза Андрэя Зноска біскупам. Роўна год таму яго затрымлівалі сілавікі

Стала вядома, у чым падазраюць Рамашэўскую, Дзікавіцкага і іншых топ-менеджараў «Белсата»20

У Італіі журналістку аштрафавалі за жарты пра рост прэм'ер-міністра Мелоні — гэта палічылі бодышэймінгам1

Як беларусам ездзіць праз мяжу на аўто, зарэгістраваных у ЕС, калі беларускія нумары акажуцца пад поўнай забаронай4

«Не хочуць разумець, што гэта вайна!» Лукашэнка выказаў прэтэнзіі пацярпелым ад буры25

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →