Грамадства

Заўтра пройдзе сусветная экалагічная акцыя «Гадзіна Зямлі»

Гадзіна Зямлі — гэта міжнародная акцыя, падчас якой Сусветны фонд дзікай прыроды заклікае выключыць святло на адну гадзіну — з 20:30 да 21:30 — для прыцягнення ўвагі да экалагічных праблем нашай планеты. Яна пройдзе ва ўсім свеце заўтра, 25 сакавіка.

У Беларусі цяпер акцыю праводзяць дзяржаўныя структуры, аднак гэта не азначае, што беларускія экалагічныя арганізацыі і ініцыятывы выступаюць супраць яе правядзення, падкрэслівае «Зялёная сетка».

Гадзіна Зямлі — самая масавая экалагічная акцыя на планеце. Акцыя заклікае ўсіх жыхароў Зямлі праявіць адзінства ў пытаннях абароны планеты ад наступстваў змянення клімату, беражлівых адносін да рэсурсаў, адказнага прыродакарыстання.

Упершыню яе правялі ў Аўстраліі ў 2007 годзе. Пачаўшыся з Сіднэя, яна хутка была падхоплена ў іншых кутках свету. Штогод адключаецца падсвечванне самых вядомых будынкаў свету — моста «Залатыя вароты» ў Сан-Францыска, Калізея ў Рыме, Опернага тэатра ў Сіднэі, будысцкага храма «Ват Арун» у Бангкоку, Каралеўскага палаца ў Стакгольме, Эйфелевай вежы ў Парыжы і многіх іншых.

Слоган «Гадзіны Зямлі — 2023» — «Захавай прыгажосць». Прыгажосць свету вакол нас — гэта не толькі тое, што мы бачым, але і тое, што можам адчуць: каханне, сяброўства, спачуванне, жаданне дапамагаць. Дзікая прырода — гэта тое, што дазваляе ўбачыць і адчуць прыгажосць адначасова.

Беларусь падтрымае акцыю 15-ы раз. Раней у гэты дзень, акрамя традыцыйнага выключэння падсвету будынкаў і аб’ектаў культуры, у краіне праводзіліся велапрабегі, кінафестывалі, вечарынкі пры свечках і іншыя мерапрыемствы, якія прыцягвалі ўвагу беларусаў да неабходнасці адказна ставіцца да рэсурсаў планеты. Арганізатарам і ідэйным натхняльнікам такой акцыі ў Беларусі была «Зялёная сетка».

Каментары

Што адбываецца ў Палку Каліноўскага і чаму байцы кажуць пра яго магчымае знікненне?7

Што адбываецца ў Палку Каліноўскага і чаму байцы кажуць пра яго магчымае знікненне?

Усе навіны →
Усе навіны

«Люстэрка» пракаментавала сітуацыю з відэа родных калег партала2

Польшча і Беларусь вядуць перамовы аб вызваленні Пачобута. Як не будзе выніку — закрыюць межы — Radio ZET24

Забарону рухавікоў унутранага згарання ў ЕС назвалі незаконнай2

З чацвярга на стадыёне «Дынама» зноў пачнуць паказваць кіно пад адкрытым небам

Сілавікі ціснуць на бацькоў вядоўцаў тыкток-канала «Люстэрка»21

У Беларусі прадаюць Mercedes-Benz W124 за 12 000 даляраў. Чаму 32-гадовае аўто такое дарагое?3

Былая палітзняволеная: Мая сям'я патраціла за два гады $10 тысяч на адвакатаў і перадачы для мяне1

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

больш чытаных навін
больш лайканых навін

Што адбываецца ў Палку Каліноўскага і чаму байцы кажуць пра яго магчымае знікненне?7

Што адбываецца ў Палку Каліноўскага і чаму байцы кажуць пра яго магчымае знікненне?

Галоўнае
Усе навіны →