Кыргызстан экстрадаваў беларуса, які атрымаў статус бежанца ва Украіне
З Кыргызстана экстрадавалі ў Мінск Уладзіміра Кадарыю, які раней звяртаўся да прэзідэнта Садыра Жапарава з просьбай не выдаваць яго Беларусі. Пра гэта The Insider распавёў адвакат Кадарыі Афтандзіл Алімжанаў.
![](http://d3kcf2pe5t7rrb.cloudfront.net/img/w840d4webp1/photos/z_2023_03/649a-5eckn.jpg.webp)
Па словах Алімжанава, 4 сакавіка Кадарыю вывезлі з Бішкекскага СІЗА-1 прадстаўнікі МУС.
Абарона Кадарыі лічыць, што яго экстрадыцыя — парушэнне Кыргызстанам міжнароднага заканадаўства.
У звароце Уладзімір Кадарыя распавёў, што збег з Беларусі ва Украіну ад палітычнага пераследу і атрымаў там грамадзянства. У Беларусі ён быў адміністратарам інтэрнэт-рэсурсу, які апублікаваў апазіцыйныя матэрыялы.
Нягледзячы на гэта, Генпракуратура Кыргызстана разглядае Кадарыю як грамадзяніна Беларусі і лічыць рашэнне аб яго выдачы законным.
Каментары