«Замест ОК16 адкрыюць танны супермаркет». Што стала з культавымі тусовачнымі месцамі Мінска
Навін пра тое, што ў Мінску зноў зачынілася нейкае любімае ўсімі месца цяпер амаль няма, таму што зачынілася амаль усё. А што потым адбываецца з гэтымі лакацыямі? The Village Беларусь паразмаўляў з мінчанкай, якая добра знаёмая з лёсам Кастрычніцкай і «Корпуса» пасля рэпрэсій і даведаўся, дзе цяпер тусуюцца мінчане і якая ўвогуле атмасфера ў гэтых месцах.
«Добра, што ў «Корпус» не прыйшлі ябацькі вяршыць свае бээрэсэмныя справы»
— Я назірала, як мяняўся «Корпус». Спачатку той стары «Корпус» доўгі час быў проста зачынены на рамонт — гэта значыць, не закрываўся афіцыйна, але там нічога і не адбывалася. Калі 9 красавіка зачыніліся «Дзве жабы», мне асабіста стала зразумела, што таго «Корпуса» ўжо не будзе.
«Корпус» закрыўся ў чэрвені, я добра памятаю момант, як туды прыехалі незнаёмыя мне людзі, розныя рабочыя і пачалі капітальны рамонт. Памянялі ўсе вокны на шклопакеты, падлогу, перафарбавалі сцены ў белы колер і туалеты (зафарбавалі ўсе надпісы, памянялі ўнітазы, рукамыйнікі і люстэркі, мужчынскі туалет пафарбавалі ў блакітны колер, а жаночы — у ружовы), прыбралі з вуліцы скульптуру з лазы, насарога, постары Караліны Паляковай — увогуле, прыбралі ўсе знакавыя штукі, застаўся толькі «трон Хімеры» і акно са стыкерамі, якое па-ранейшаму ўсіх чакае.
Потым у «Корпус» заехалі новыя хлопцы і адкрылі там установу з морапрадуктамі Heart for art kitchen і галерэю сучаснага мастацтва Heart For Art. На бары працуюць хлопцы з першага складу «Вершаў», за галерэйную прастору таксама адказвае адэкватны чалавек.
Зразумела, што таго «Корпуса» ўжо не будзе, таму што атмасфера ў цэлым памянялася ва ўсёй краіне, горадзе, творчай тусоўцы. Але нельга сказаць, што ў «Корпус» прыйшлі нейкія ябацькі вяршыць свае бээрэсэмныя справы. У галерэі праходзяць добрыя выставы. Я думаю, што гэтае месца, якое раней было магнітам для ўсяго цікавага і новага, і далей будзе развівацца прыкладна ў гэтым ключы.
«У ОК16 адкрыюць расійскі дыскаўнтар»
— На Кастрычніцкай сапсаваліся «Вершы»: першы склад каманды сышоў, сапсавалася ежа, практычна перастала працаваць галерэя — выставы там больш не праводзяць.
У цэлым з добрага на Кастрычніцкай цяпер — гэта маленькія кавярні накшталт Dreva. Яшчэ мне вельмі падабаецца там прастора Dandy Land, у якой нядаўна адкрылася класнае кавярня Red Coffee Store — там утульна і часта праходзяць усякія арт-штукі, можна памаляваць, чамусьці павучыцца, працуюць клёвыя людзі. Люблю Dandy Land у тым ліку і за тое, што яны ўвесь час акультурваюць сваю прастору нядаўна паклалі плітку на заднім двары, робяць новыя малюнкі.
У цэлым, Кастрычніцкая з боку ракі мяне радуе больш — улетку там вельмі ўтульна, няма машын і старонніх людзей.
З двух бакоў Кастрычніцкай цяпер вельмі часта патрулюе міліцыя і збіраюцца ўсталяваць відэаназіранне — гэта ўжо дакладна.
А яшчэ на месцы ОК16 хутка з'явіцца — вы не паверыце — «Светофор» (расійская раздробная сетка жорсткіх дыскаўнтараў, якія традыцыйна адкрываюць у прамзонах за велізарных пляцоўках — The Village Беларусь). На гэтай пляцоўцы ўжо ідзе рух — хлопцы рыхтуюцца да адкрыцця.
Экс-кандыдатку ў прэзідэнты Таццяну Караткевіч пасадзілі на 15 сутак16
Экс-кандыдатку ў прэзідэнты Таццяну Караткевіч пасадзілі на 15 сутак
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі99
Каментары
Колхозники,а вы хоть на секунду о будущем задумываетесь,не?
Примеры Югославии,Румынии и ГДР ничему не учат? Ведь понятно,что все ваше возводимое колхозное «богачество» будет сокрушено в одну минуту,как мерзопакостная античеловеческая и антикультурная гадость. Ок 16 останется в памяти. Вы тоже. Но в качестве ослов.