Сталі вядомыя пераможцы штогадовай прэміі за найлепшыя ФОТЫ дзікай прыроды
Музей натуральнай гісторыі Лондана вызначыў сёлетніх пераможцаў штогадовай прэміі Wildlife Photographer of the Year, якая ўручаецца за найлепшыя фатаграфіі дзікай прыроды. Сярод герояў найлепшых кадраў апалонікі заходнеамерыканскай жабы, рысь з расійскага Прыморскага краю, шатландскія лішайнікі, чырвоныя лясныя мурашы і многія іншыя. Работы-пераможцы былі абраныя з амаль 60 тыс. заявак з усяго свету.
Найлепшым фатографам дзікай прыроды ў 2024 годзе прызналі канадца Шэйна Гроса, які зняў апалонікаў жабы заходнеамерыканскай, якая знаходзіцца пад пагрозай знікнення, у возеры Сідар на востраве Ванкувер.
Пераможцамі ў яшчэ некалькіх намінацыях сталі фатографы з ЗША, Аўстраліі, Іспаніі, Італіі, Германіі і іншых краін.
Расіянін Ігар Мяцельскі стаў пераможцам у намінацыі «Жывёлы ў іх натуральным асяроддзі пражывання» за фатаграфію рысі. На стварэнне гэтага здымка з дапамогай фотапасткі пайшло больш за шэсць месяцаў, паколькі яно было зроблена ў цяжкадаступным месцы на Далёкім Усходзе.
«Жыццё пад мёртвым лесам» Алексіса Тынкера-Цаваласа з Германіі — пераможца ў намінацыі «Фатограф ва ўзросце 15-17 гадоў». Для стварэння здымка была выкарыстаная тэхналогія, калі аб'ядноўваюцца 6 малюнкаў, на якіх у фокусе розная вобласць кадра. Нагахвосткі ледзь дасягаюць двух міліметраў у даўжыню. Яны сілкуюцца мікраарганізмамі, такімі як бактэрыі і грыбкі, паляпшаючы глебу і спрыяючы раскладанню арганічных рэчываў.
«Пад ватэрлініяй» Мэцью Сміта (Вялікабрытанія/ Аўстралія) — пераможца ў намінацыі «Пад вадой». Цікаўны марскі леапард пад ільдамі Антарктыды. Хоць марскія леапарды шырока распаўсюджаныя і шматлікія, празмерны вылаў рыбы, адступленне марскога лёду і пацяпленне вады азначаюць, што робіцца менш крылю і пінгвінаў — іх асноўных крыніц ежы.
Пераможца ў катэгорыі «Паводзіны: беспазвоночныя». Чырвоныя лясныя мурашы дзеляць на часткі жука
Пераможца ў катэгорыі «Паводзіны: птушкі». Малады сокал практыкуецца ў паляванні на матылькоў
Пераможца ў катэгорыі «Паводзіны: сысуны». Маладая макака спіць на руках у дарослай асобіны ў Нацыянальным парку Уілпату на паўночным захадзе Шры-Ланкі
Пераможца ў катэгорыі «Расліны і грыбы». Дрэва, пакрытае бледнымі лішайнікамі, у даліне Глен Афрык у Шатландыі
Пераможца ў катэгорыі «Паводзіны: земнаводныя і рэптыліі». Жоўтая анаконда абкручваецца вакол морды каймана ў водна-балотных угоддзях Пантанал на тэрыторыі Бразіліі
Пераможца ў катэгорыі «Партрэты жывёл». Падрослыя рысяняты хаваюцца ад халоднага ветру за спінай у маці. Канада
Пераможца ў катэгорыі «Мастацтва прыроды». Сілуэт вароны-падальніцы ў адным з паркаў у Базэлі, Швейцарыя
Здымак «Тыгр у горадзе» Робіна Дарыуса Конца (Германія) перамог у катэгорыі «Дзікая прырода ў горадзе»
Здымак «Дэльфіны ў лесе» Томаса Пешака (Германія / Паўднёвая Афрыка) стаў пераможцам у катэгорыі «Рэпартаж»
Пераможца ў катэгорыі «Фотажурналістыка». Следчы з лонданскай паліцыі збірае адбіткі пальцаў на канфіскаваным слановым біўні
Здымак «Надзея для Ніну» ў катэгорыі «Жывёлы ў натуральным асяроддзі пражывання» аўстралійскага фатографа Яніка Келка ўдастоены ўзнагароды Impact Awards
Здымак Лівіі Паўлоўскай (Польшча) стаў пераможцам у спецыяльнай катэгорыі «Уплыў на прыроду». Яе фота было заяўлена ва ўзроставай катэгорыі 11-13 гадоў
Конкурс Wildlife Photographer of the Year праводзіцца з 1965 года. У 1984 годзе ў арганізацыі конкурсу пачаў браць удзел Лонданскі музей натуральнай гісторыі. Сёння гэта адзін з самых прэстыжных конкурсаў фатаграфіі дзікай прыроды ў свеце.
Кожны год на конкурс падаюцца тысячы работ з усяго свету. У 2024 годзе ўдзельнікі прадставілі больш за 59 тыс. фатаграфій са 117 краін, а ў фінал прайшлі толькі 100 з іх. Пераможцаў абірае журы, якое складаецца з экспертаў у галіне фатаграфіі і аховы прыроды.
Хто такая Хан Ган, якая атрымала Нобелеўскую прэмію па літаратуры?33
Хто такая Хан Ган, якая атрымала Нобелеўскую прэмію па літаратуры?3
«У СІЗА мы з мамай прыдумалі умоўны знак». Сын вядомай актывісткі Таццяны Канеўскай расказаў, што перажыў
«У СІЗА мы з мамай прыдумалі умоўны знак». Сын вядомай актывісткі Таццяны Канеўскай расказаў, што перажыў
28-гадовая ўкраінская журналістка Вікторыя Рошчына памерла ў расійскім палоне44
28-гадовая ўкраінская журналістка Вікторыя Рошчына памерла ў расійскім палоне4
«Тое, што хтосьці «сядзіць за палітыку», з'яўляецца «часткай пейзажу». Беларуска, якая наведала радзіму пасля доўгага перапынку, падзялілася ўражаннямі88
«Тое, што хтосьці «сядзіць за палітыку», з'яўляецца «часткай пейзажу». Беларуска, якая наведала радзіму пасля доўгага перапынку, падзялілася ўражаннямі8
Як вяліся таемныя перамовы Байдэна і Пуціна пра вайну ва Украіне5555
Як вяліся таемныя перамовы Байдэна і Пуціна пра вайну ва Украіне55
У Брэсце асудзілі ўжо 11-ю групу за «грубае парушэнне парадку» ў 2020 годзе
У лесе пад Жодзінам знайшлі рэдкі і незвычайны грыб3
Эвакуявалі разам з сям'ёй былога палітзняволенага Глеба Раманава5
«Тое, што хтосьці «сядзіць за палітыку», з'яўляецца «часткай пейзажу». Беларуска, якая наведала радзіму пасля доўгага перапынку, падзялілася ўражаннямі8
На Гродзеншчыне ставілі дарожныя знакі, завышаючы колькасць матэрыялаў у 25 разоў1
На святкаванні «Дажынак» у Капыльскім раёне вясковец напаў з «ружачкай» на старшыню калгаса4
Кантрабандысцкае ноу-хау: беларускія цыгарэты ўмантавалі ў модульныя будынкі
У Жодзіне шалёны бяздомны кот пакусаў свойскага сабаку
Колькасць распачатых крымінальных спраў за «экстрэмісцкія злачынствы» — 19 тысяч1
Каментары